Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
“Ata që qëlluan me plumba gome janë identifikuar, do shkojnë në burg”, Artan Hoxha: Në burgje u tentuan trazira, i ndaluan bosët e qelive
PiranjatPërditësimi i fundit 26 Tetor 2026, 21:44
Gazetari Artan Hoxha ka thënë këtë të hënë se janë evidentuar të gjithë policët që qëlluan me plumba gome kundër të rinjve në protestë dhe se ata do të mbajnë përgjegjësi. Hoxha ka sfiduar kryeministrin Rama duke thënë se krimi i organizuar është në protestë, por nga ana e PS-së.
Veç të tjerash, Hoxha tha se javët e fundit u tentuan trazira në burgje, por u ndaluan nga bosët e qelive.
“Plagosja e Erjon Vishkullit në sy? Më në fund policia, e rrodhi këtë vendimin. Komunikimiet e tjera ne s’i kemi parë, atë që i thoshte “mos i kurseni”. Komunikimi i brendshëm i zinxhirit komandues, ne s’na e kanë dhënë. Po reagojnë pasi kanë kalbur në dru mbi 2 mijë veta. Për ta nxjerrë se nuk jemi si në Francë gënjejnë se kemi më shumë policë të lënduar. Vetëm me plumba e gomës protestuesit kalojnë dyfish numrin e policëve. Që aty nisi gënjeshtra. Krimi i organizuar është në protestë, por është me Edi Ramën. Krimi i organizuar janë ata që mbronin selinë e PS-së. Të më thotë mua kryeministri dhe ia them unë kush janë ata te PS-ja. Fillon që në Rinas, se ai harron që kordinatori nuk ishte i protestuesve, por i policisë.
Nëse kryeministri është kaq i papërgjegjshëm, sa del e thotë, pasi u mor me Iranin, federata ruse, Sorosi, Antifa. Në fund nxori krimin. Nuk ka sot asnjë organizatë kriminale në vend që është kundër qeverisë.
Ka pasur tentativa në këto dy javë për të krijuar trazira në burg. Por, bosët që janë të arrestuar e kanë ndaluar këtë gjë.
Krimi i organizuar nuk ka investuar protestën, por është në krahun tjetër. E sfidoj kryeministrin dhe të më thotë cila organizatë kriminale ka sponsorizuar protestën. Si pjesë e krimit të organizuar nxjerr Stresin. Po Noizyn që është me ty? Pse nuk e nxjerr? Sot janë identifikuar të gjithë ata që gjuajnë me plumba gome. Sot Rama ka thënë që përgjegjësia është individuale. Shpërblimin e jep kolektiv, ju bëj thirrje policëve, do t’iu shesë dhe do shkoni në kokërr të burgut.
Kanë hapur telefonat e fëmijëve pa vendim gjykate, bisedat i ka përdorur vetë kryeministri. Sot është vonë, ai e ndjen frikën”, tha Artan Hoxha në euronews.
