Elisa Spiropali ka reaguar pas zgjedhjeve në Serbi, ku Lista e Studentëve fitoi përballë Alexandar Vuçiç.
Deputetja sociali...
AKTUALITET
Auditoret bosh, valixhet plot/ Mbi 10 mijë vende bosh në universitete për vitin akademik 2024–2025
PiranjatPërditësimi i fundit 24 Dhjetor 2025, 21:37
Vetëm 66.92% e totalit të kuotave të ofruara nga universitetet në Shqipëri janë plotësuar me studentë për vitin akademik 2024–2025. Të dhënat nga Qendra e Shërbimeve Arsimore (QSHA) dhe tregojnë se mbi 10 mijë vende studimi kanë mbetur bosh në rang kombëtar. Sipas raportit, universitetet publike dhe private kanë ofruar gjithsej 32 177 kuota, ndërsa janë regjistruar vetëm 21 547 studentë, çka dëshmon një rënie të ndjeshme të interesit për arsimin e lartë.
Raporti ndalet veçanërisht te Universiteti i Tiranës, institucioni më i madh i arsimit të lartë në vend. Edhe pse mbetet një nga universitetet më të preferuara nga maturantët, një pjesë e konsiderueshme e kuotave nuk janë plotësuar, veçanërisht në disa programe specifike studimi.
Sipas të dhënave të QSHA-së, interes më i ulët është regjistruar kryesisht në:
degët e mësuesisë,
shkencat natyrore,
bujqësinë dhe disa degë inxhinierike,
programet profesionale.
Në universitetet jashtë Tiranës, diferenca mes kuotave të ofruara dhe regjistrimeve reale është edhe më e theksuar, duke bërë që auditorët të mbeten pjesërisht bosh.
Emigrimi dhe arsimi i lartë
Rënia e numrit të studentëve përkon me rritjen e largimeve nga vendi, ndërsa qeveria vijon të mbajë një ton optimist për të ardhmen. Sipas Anketës së Migracionit të Familjeve 2024, të realizuar nga INSTAT në bashkëpunim me Banka Botërore, rreth 37% e familjeve kanë të paktën një anëtar që jeton aktualisht jashtë vendit ose ka migruar dhe është kthyer.
Anketa vlerëson se rreth 1.6 milionë shqiptarë jetojnë jashtë Shqipërisë, ndërsa mbi 108 mijë persona janë kthyer në vend gjatë 12 viteve të fundit, duke treguar se migracioni funksionon si një cikël i vazhdueshëm dhe jo si një lëvizje e përkohshme. Sipas të dhënave, 22% e familjeve kanë aktualisht anëtarë jashtë Shqipërisë, ndërsa 20% raportojnë të paktën një migrant të kthyer. Emigracioni prek kryesisht të rinjtë në moshë pune, veçanërisht meshkujt që siç duket nga raporti i QSHA po regjistrohen gjithmonë e më pak në universitete.
Kryeministri Edi Rama ka deklaruar se Shqipëria pritet të anëtarësohet në Bashkimin Europian në vitin 2027, por me këto shifra në arsim, duket se festimi do t’i mbetet vetëm një rrethi të ngushtë: patronazhistëve dhe socialistëve që nuk do të kenë përfunduar pas hekurave.
