Sami Sheen, vajza e aktorit të njohur Charlie Sheen dhe aktores Denise Richards, ka reaguar publikisht ndaj pretendimeve se jeta e saj luksoze financohet...
Stuhia e fuqishme që ka përfshirë zonën bregdetare të Sarandës ka shkaktuar probleme për disa mjete lundruese, duke detyrua...
AKTUALITET
Banorët e prekur nga projekti TID protestë para bashkisë së Durrësit: Haram vota! Turp!
PiranjatPërditësimi i fundit 14 Shkurt 2026, 11:03
Banorët e prekur nga projekti TID janë mbledhur sërish sot para bashkisë së Durrësit. Atyre u është njoftuar se do të kenë një takim me kryeministrin Edi Rama në orën 10:00 por edhe pse po kalon gati një orë kryeministri nuk duket gjëkundi.
Ndërkohë policët ruajnë derën e godinës së bashkisë e cila duhej të ishte e hapur për banorët e saj.
Tre ditë më parë banorëve u është dërguar një shkresë ku i kërkohet që të lëshojnë shtëpitë deri më 16 shkurt pasi do u shemben, ndërkohë banorët janë shprehur të vendosur se nuk do të dalin nga banesa. Ata kundërshtojnë kompensimin për shpronësimet të ofruar nga bashkia e qytetit bregdetar pasi nuk reflektonte çmimet e tregut dhe banorët e lagjes historike të qytetit rrezikojnë të mbeten të pastrehë.
Bashkia u ka thënë banorëve autoktonë që kanë banesat në qendër të Durrësit, do të marrin banesat në periferi të Durrësit, pikërisht në zonën e Kënetës dhe ata e kundërshtojnë.
Në pankartat e tyre ata kanë shkruar “Shtëpitë janë tonat” ‘I kemi mbrojtur me gjak’ Bashkia po na heq nga banesat po na nxjerr në rrugë. Haram vota! Turp! Grabitës!”
Banorët e zonës së amfiteatrit në Durrës preken nga i ashtuquajturi projekti TID – i cili synon rrjetëzimin urban të bulevardit Epidamn përmes një marrëveshje bashkëpunimi mes Fondit Shqiptaro Amerikan të Zhvillimit, Ministrisë së Kulturës dhe Bashkisë së Durrësit.
