Prezenca e OSBE-së në Shqipëri ka reaguar pas protestave të dhunshme dhe tensioneve që kanë përfshirë Tiranën gjat&...
AKTUALITET
Bashkëshortja e Olldashit në protestë: Nëse Sokoli do të ishte sot mes nesh shumë gjëra mund të ishin ndryshe
PiranjatPërditësimi i fundit 15 Tetor 2026, 16:58
Bashkëshortja e Sokol Olldashi, pedagogia Enkelejda Olldashit është shprehur se shumë gjëra do të ishin ndryshe nëse Olldashi do të ishte sot në PD.
“Shumë gjëra mund të ishin ndryshe te forca politike ku ai (Sokol Olldashi) ishte pjesë. Nuk është përgjegjësi vetëm e kësaj qeverie, por e gjithë establishmentit që nga ’91 deri tani.
Kjo revoltë, ne jemi kundër shkatërrimit, por është një revoltë e akumuluar që veshët e të gjithë politikanëve të të gjitha ngjyrave duhet ta dëgjojnë. Bojkoti është një sjellje vullnetare e studentëve dhe askush nga pedagogët nuk e stimulon atë, por ne e respektojmë. Kur studentët nuk janë në auditor, ne duhet të jemi aty ku janë studentët dhe ne jemi aty”, u shpreh ajo.
Para se Olldashi të humbte tragjikisht jetën në një aksident automobilistik më 20 nëntor 2013, ai ishte deputet i Partisë Demokratike në Kuvend, i zgjedhur në Qarkun e Fierit.
Në PD ishte anëtar i Kryesisë dhe i Këshillit Kombëtar dhe vetëm pak muaj më parë, në korrik 2013, kishte kandiduar për kryetar të PD-së përballë Lulzim Bashës.
Postin e ministrit të Punëve Publike dhe Transportit e kishte lënë në shtator 2013, pas ndryshimit të qeverisë.
