Prezenca e OSBE-së në Shqipëri ka reaguar pas protestave të dhunshme dhe tensioneve që kanë përfshirë Tiranën gjat&...
AKTUALITET
Protesta/ AGSH dënon pengimin e gazetares Jonida Mukja dhe operatorit të “Piranjave” nga Policia e Shtetit
PiranjatPërditësimi i fundit 15 Tetor 2026, 21:30
Asociacioni i Gazetarëve të Shqipërisë (AGSH) dënon me forcë pengimin e gazetares së emisionit "Piranjat", Jonida Mukja, nga efektivë të Policisë së Shtetit, ndërsa po raportonte nga protesta e sotme në Tiranë.
Edhe operatori Albi Muçollari u mor me forcë nga efektivët e policisë, ndërsa po filmonte dhunën e ushtruar ndaj protestuesve, mes të cilëve të mitur.
AGSH i konsideron këto veprime të papranueshme dhe një ndërhyrje serioze në ushtrimin e lirë të profesionit të gazetarit. “Dokumentimi i veprimeve të Policisë së Shtetit, veçanërisht gjatë protestave dhe përdorimit të forcës, është një detyrë legjitime e medias dhe nuk mund të pengohet në mënyrë arbitrare”, thuhet në reagim.
AGSH thekson se këto dy raste u shtohen incidenteve të shumta të dokumentuara gjatë tri ditëve të protestave në Tiranë, duke dëshmuar një situatë gjithnjë e më shqetësuese për sigurinë e gazetarëve dhe lirinë e medias.
“I kërkojmë Drejtorisë së Përgjithshme të Policisë së Shtetit dhe Agjencisë së Mbikëqyrjes Policore të verifikojnë menjëherë të dyja incidentet, të identifikojnë efektivët përgjegjës dhe të marrin masat përkatëse.
Policia e Shtetit ka detyrimin të mbrojë gazetarët, jo t'i pengojë apo t'i trajtojë si kundërshtarë. Me këto dy raste të reja, numri i incidenteve të raportuara nga AGSH gjatë protestave të 13–15 tetorit arrin në të paktën 13. AGSH shpreh solidaritetin me Jonida Mukjën, Albi Muçollarin dhe të gjithë punonjësit e medias që janë përballur me dhunë, presion apo pengim gjatë ushtrimit të detyrës”, vijon deklarata.
