Ish-kreu i Autoritetit Rrugor Shqiptar (ARRSH), Gentian Gjyli, dhe ish-drejtori i Korporatës Elektroenergjitike Shqiptare (KESH), Erald Elezi, janë ...
AKTUALITET
‘Cili është hapi i radhës?’/ Adriana Kalaja njofton deklaratë para KLGJ-së për rastin e Irena Gjokës
PiranjatPërditësimi i fundit 29 Janar 2026, 19:43
Avokatja Adriana Kalaja ka njoftuar opinionin publik se ditën e nesërme në orën 10:30 do të japë një deklaratë për mediat para Këshillit të Lartë Gjyqësor, lidhur me rastin e Irenës me 3 mbiemra.
‘Me cilësinë e ankueses pranë Inspektorit të Lartë të Drejtësisë, Këshillit të Lartë Gjyqësor, 2 herë Ministrisë së Drejtësisë dhe 9 herë Prokurorisë së Përgjithshme, kallëzueses 3 herë në SPAK dhë kërkesës për rishikimin e vettingut në Komisionin e Pavarur të Apelimit, depozitoj nesër relacionin pranë Këshillit të Lartë Gjyqësor, lidhur me rastin e Irenës me 3 mbiemra, dhe arsyet se pse ajo duhet të shkarkohet nga detyra’, shkruan Kalaja në Facebook.
Postimi i plotë:
Të Nderuar Miq dhe Mbështetës.
Duke uruar të jeni shumë mirë, si dhe duke Ju falenderuar për gjithë mbështetjen pa kushte dhe të pakufishme që më keni dhënë gjatë gjithë rrugëtimit tim, dëshiroj T'Ju njoftoj se nesër, në orën 10.30, më ndiqni në një deklaratë për mediat, para Këshillit të Lartë Gjyqësor, lidhur me rastin e Irenës me 3 mbiemra.
Me cilësinë e ankueses pranë Inspektorit të Lartë të Drejtësisë, Këshillit të Lartë Gjyqësor, 2 herë Ministrisë së Drejtësisë dhe 9 herë Prokurorisë së Përgjithshme, kallëzueses 3 herë në SPAK dhë kërkesës për rishikimin e vettingut në Komisionin e Pavarur të Apelimit, depozitoj nesër relacionin pranë Këshillit të Lartë Gjyqësor, lidhur me rastin e Irenës me 3 mbiemra, dhe arsyet se pse ajo duhet të shkarkohet nga detyra:
1. Si lidhur me problematikën e figurës morale.
2. Ashtu dhe me mos plotësimit të kushteve për të qenë gjyqtare.
Mbi të gjitha, të gjithë parashtrimet e saj pranë këtij këshilli (për aq sa uam njihur nga media dhe "mbrojtësit" e saj), përbëjnë konsumim të veprave penale në vazhdim, pasi ato janë fund e krye mashtrime e gënjeshtra, si dhe të pabazuara në prova dhe në ligj.
Një nga "avokatët" e tij mbrojtës, u tërhoq nga debati televiziv me mua, duke më dhënë të drejtë kësisoj, por edhe duke më obliguar për t’i shkuar deri në fund këtij skandali.
Deri në fund kundra mafias instaluar në Sistemin e Drejtësisë.
Për më tepër, më ndiqni nesër në orën 10.30 para KLGJ.
