Momente tensioni janë regjistruar në Aeroportin Ndërkombëtar të Birminghamit, në Britaninë e Madhe, pasi një avion pasag...
AKTUALITET
Dalin pamjet/ Ja si u shpëtua i riu në kanionet e Osumit, shkoi për të kërkuar 42-vjeçarin që u vetëhodh në ujë
PiranjatPërditësimi i fundit 22 Shkurt 2026, 11:23
42-vjeçari Ilir Kurti i cili dyshohet se u hodh një ditë më parë në Kanionet e lumit Osumi, ende nuk është gjetur.
Edhe pse u raportua se forcat RENEA dhe polumbarët kanë nisur kërkimet, deri më tani ende nuk ka asnjë gjurmë për trupin e tij. 42-vjeçari nga qyteti i Skraparit dyshohet se i ka dhënë fund jetës mbrëmjen e djeshme, duke u vetëhedhur në lumë në vendin e quajtur “Ura e Blezënkës”, pranë Kanioneve të Osumit.
Në vendngjarje janë gjetur motori me të cilin ai lëvizte, disa sende personale dhe telefoni celular. Nga verifikimet paraprake rezulton se ai i kishte dërguar një mesazh vëllait, ku shprehej se do të hidhej në lumë. Sipas familjarëve, 42-vjeçari kishte muaj që ishte mbyllur në vetvete dhe po përjetonte me vështirësi ndarjen nga djali i tij, me të cilin nuk komunikonte prej 7 vitesh, pasi ish-bashkëshortja ishte larguar nga Skrapari drejt Rumanisë.
Ndërkohë, policia e Beratit ka publikuar pamje nga momenti i shpëtimit të 22-vjeçarit Xhuljani Kaloti, i cili ngeci në një shkëmb gjatë kërkimeve për 42-vjeçarin. Pas disa orësh ndërhyrjeje në një terren shumë të vështirë, në orën 04:45 të mëngjesit të datës 22.02.2026, kërkuesi vullnetar u nxor nga shkëmbi ku kishte mbetur i izoluar dhe ndodhet në gjendje të mirë shëndetësore.
