Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
AKTUALITET
Debate mes këshilltarëve, ndërpritet mbledhja e Këshillit Bashkiak në Vlorë
PiranjatPërditësimi i fundit 27 Shkurt 2026, 12:00
Mbledhja e radhës e Këshillit Bashkiak të Vlorës është ndërprerë pas debateve të forta mes këshilltarëve, që nisën që në fillim të saj.
Seanca u anulua pasi nuk u arrit numri i nevojshëm i votave për miratimin e rendit të ditës.
Sipas këshilltarëve të opozitës, rendi i ditës përfshinte një numër të lartë çështjesh për diskutim, plot 21 pika, si dhe pika të tjera shtesë. Ky fluks i madh temash shkaktoi diskutime dhe kundërshti në sallë lidhur me mundësinë e trajtimit të tyre brenda një mbledhjeje të vetme.
Pas debateve, kryetarja e Këshillit Bashkiak të Vlorës, Elpiniqi Merkuri, vendosi ta hedhë rendin e ditës në votim. Nga procesi rezultuan 25 vota pro, një më pak se numri i nevojshëm për miratim.
Sipas legjislacionit në fuqi, miratimi i rendit të ditës kërkon të paktën 50% + 1 të votave të anëtarëve të këshillit, që në këtë rast përkthehet në 26 vota. Për shkak të mungesës së një vote, rendi i ditës nuk u miratua dhe mbledhja u ndërpre.
Pas votimit, këshilltarët e opozitës u larguan nga salla.
Kreu i këshilltarëve të opozitës, Atird Hoxha, sqaroi arsyet e anulimit të mbledhjes dhe largimit të tyre.
Ndërkohë, është vendosur që Këshilli Bashkiak të mblidhet sërish nesër në orën 09:00 për të votuar çështjen e ndihmës ekonomike. Po ashtu pritet të përcaktohet edhe data për zhvillimin e mbledhjes së radhës së këshillit.
