I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
AKTUALITET
Detaje nga ekzekutimi mafioz në Athinë, dyshohet se shënjestër kanë qenë Davella dhe Lulo
PiranjatPërditësimi i fundit 18 Dhjetor 2024, 20:19
ATHINË- Detaje të reja janë zbardhur në lidhje me antentatin në Athinë, ku mbeti i vrarë 47-vjecari shqiptar Irakli Davella dhe u plagos rëndë 46-vjecari Edi Lulo alias Etmond Hysa. Nga hetimet rezulton se në momentin e të shtënave, Irakli Davella dhe Edi Lulo ndodheshin në distancë nga njëri tjetri, por të dy janë qëlluar. Kjo i ka bërë hetuesit të dyshojnë se që të dy kanë qenë objektiv i atentatorëve që hapën zjarr nga makina dhe më pas u larguan në drejtim të paditur.
Ndërkohë media greke ka zbuluar se nga kontrolli në arkivat e saj, policia ka zbuluar se Edi Lulo ka qenë i skeduar si Etmond Hysa që në vitin 2004 në Greqi. Fillimisht në prill 2004 ka marrë pjesë në grabitjen gjatë një transferte parash në Palio Faliro, ku gjatë shkëmbimit të zjarrit u plagos një roje i kompanisë “Security”. Në korrik të të njëjtit vit ka marrë pjesë një një tentativë grabitje gjatë një transferte parash në zonën e Rentit, ku pati shkëmbim zjarri me policinë, por sërish arriti të largohej.
Ngjarja më e rëndë që ai njihet është ajo e prillit 2011 në Dhomën e Avokatisë Athinë ku bashkë me 2 të tjerë, grabiti rreth 405 mijë euro, ndërsa në një ngjarje tjetër më vonë mori pjesë në grabitjen e pajisjeve me vlerë 110.000 euro në një klinikë mjekësore në Pagrati të Athinës, të cilat grupi kishte në plan t’i sillte në Shqipëri.
Policia greke mësohet se ka vendosur kontakte dhe po shkëmben informacion me palën shqiptare, nga e cila është informuar për profilin tepër të rrezikshëm dhe të rendësishëm në grupet kriminale shqiptare të Edi Lulos, për të cilin ka dyshime se është i përfshirë në organizata të trafikut ndërkombëtar të drogës. Ai kishte mbërritur në Greqi në 9 dhjetor, pas një fluturimi nga Duseldorfi në Gjermani ndërkohë qe vetë banon në Dubai.
