Nuk është vlerësuar sa një Lamin Jamal apo Rodri.
As nuk ka qenë shpëtimtari i minutave të fundit si Mikel Merino.
Gjiths...
AKTUALITET
Dita e emrit/ Në Katedralen e Ungjillit në Tiranë u mbajt Bashkëliturgjia në nder të Kryepeshkopit, Anastas Janullatos
n.fPërditësimi i fundit 22 Janar 2025, 21:14
Bashkeliturgjia
TIRANË- Ditën e sotme është mbajtur një lutje për festën e Shën Anastas Persianit. Mësohet se u Bashkëliturgjia u mbajt për nder të Kryepeshkopit, Anastas Janullatos që përkon edhe me festën e emrit të tij. Kryepeshkopi aktualisht ndodhet në spital në gjendje kritike në spitalin Evangelismos në Athinë.
Liturgjia u zhvillua në Katedralen historike të Ungjillit në Tiranë, me pjesëmarrjen e pesë Mitropolitëve të Sinodit të Shenjtë të Kishës Ortodokse Shqiptare. Kryesues i shërbesës ishte Mitropoliti i Korçës Joani, të cilit iu bashkuan Mitropolitët Nikolla të Apolonisë dhe Fierit, Antoni i Elbasanit, Asti i Beratit dhe Natanaeli i Amantias.
Në predikimin e tij, Mitropoliti i Korçës reflektoi për martirizimin e Shën Anastas Persian dhe hoqi paralele me dëshminë e dhënë nga Kryepeshkopi Anastas në epokën moderne. Me emocione të përzemërta ai përcolli lutjet dhe urimet e klerit dhe besimtarëve për shërimin e Kryepiskopit, duke shprehur shpresën se së shpejti ai do të kthehet shëndoshë e mirë në Shqipëri. Liturgji Hyjnore u kremtuan edhe në kishat ortodokse anembanë Shqipërisë, ku besimtarët u lutën me zjarr për rikthimin e shëndetit të Bariut.
95-vjeçari tashmë prej 22 ditësh është shtruar në spitalin “Evangelismos” të Athinës ku po trajtohet, i intubuar, në Repartin e Kujdesit Intensiv të Spitalit. Ai iu nënshtrua një ndërhyrjeje kirurgjikale para disa ditësh dhe që prej atëherë ka qenë duke u mbajtur në Repartin e Kujdesit Intensiv.
Janullatos u shtrua fillimisht në një spital të Tiranës në 30 dhjetor, por u transportua drejt Athinës më pas për mjekim më të specializuar. Diagnoza fillestare ishte një virus sezonal.
