Kryeministri Edi Rama ka përsëritur thirrjen e tij për dialog me protestuesit, duke zgjedhur një formë simbolike për të p&e...
AKTUALITET
Dita e ‘Ujit të Bekuar’ festohet edhe nga besimtarët ortodoksë të Beratit, kryqi hidhet në lum, kapet nga një 15-vjeçar
PiranjatPërditësimi i fundit 6 Janar 2026, 11:42
6 Janari, e kremtja e Pagëzimit të Zotit dhe Shpëtimtarit Jezu Krisht, ose e njohur në popull si dita e Ujit të Bekuar, për besimtarët beratas është një prej të kremteve më të mëdha të Kishës, nëpërmjet të cilës ata përkujtojnë pagëzimin e zotit të tyre, Jezu Krishtit, në ujërat e lumit Jordan, duke e pasqyruar këtë pagëzim të shenjtë çdo vit në ujërat e lumit Osum.
Ceremonia e kësaj dite të shenjtë, si çdo vit, edhe sot filloi herët në mëngjes në Kishën e Shën Dhimitrit, në qendër të qytetit, ku pasi u kryen të gjitha ritet fetare, Imzot Asti, me kryqin në dorë dhe nën goditjen e këmbanave të Kishës, iu drejtua lumit Osum për të hedhur kryqin, simbol të kësaj feste.
10 të rinj nga të gjitha lagjet e qytetit të Beratit u hodhën në ujin e ftohtë të lumit për të pritur hedhjen e kryqit, mes tyre këtë vit edhe një fëmijë 8-vjeçar. Kryqi u kap nga 15-vjeçari Fabio Naço, banues në lagjen “Gorricë” në Berat.
Si çdo vit, për të riun që kap Kryqin e Ujit të Bekuar, më pas ai shkon me kryqin në dorë në çdo shtëpi të lagjeve: Gorricë, Mangalem e Kala, banorët e të cilave “dorovisin” kryqin e bekuar që mban në dorë i riu. Pas ceremonisë, besimtarët e krishterë i drejtohen Kishës për të mbushur bidona me ujë të bekuar, të cilin e marrin në shtëpi dhe e mbajnë për gjithë vitin.
