Henna Virkkunen, nënkryetarja ekzekutive e Komisionit Evropian për sovranitetin e teknologjisë, sigurinë dhe demokracinë, paralajm&eu...
INVESTIGIME
“Do më marrin shtëpinë”/ Si u mashtrua gruaja nga Vlora që pagoi 30 mijë euro
e. dPërditësimi i fundit 6 Dhjetor 2024, 22:46
Fotinia, zonja 63 vjeçare nga qyteti i Vlorës rrezikon të nxirret nga shtëpia pas 15 vitesh, për shkak të një problemi që e ka mësuar së fundmi.
Në vitin 2011 ajo bleu një shtëpi në Vlorë në kompaninë e ndërtimit Qesari 2j shpk. Pasi derdhi 30 mijë euro në bankë, ajo mori një certifikatë pronësie me emrin e firmës dhe nënshkroi një akt marrëveshje së bashku me adminastratorin, Anastas Qesari dhe avokaten Jeta Hasani, e cila ishte njëkoëhësisht bashkëshortja e këtij të fundit. Por sa të rregullta ishin këto veprime? A mund të jetë akt marrëveshja një kontratë e rregullt shitjeje?
“Për sa i përket kësaj kontrate apo akt marrëveshje, nuk ka vlefshmëri. Që të ketë vlefshmëri, apo të ishte kontratë e ligjishme, pala ndërtuese dhe blerëse duhej ta bënte para një noteri dhe përderisa ka certifikatën e pronësisë, duhej identifikuar sendi, duhej regjistruar kjo kontratë në zrpp Vlorë, gjë që nuk e ka bërë”- sqaron avokati Alban Duraj.
Edhe pse avokatja, për më tepër bashkëshorte e pronarit të firmës, ishte e pranishme në momentin e shitjes, ky veprim u krye në kundërshtim të plotë me ligjin, duke shfrytëzuar mungesën e informacionit juridik nga ana e 63 vjeçares.
E ndërsa gruaja e moshuar pristë për t’u pajisur më në fund me çertifikatën e pronësisë, gjërat marrin një kthesë të papritur. Ajo mëson se shtëpia e saj ka dalë në ankand. Përmbaruesi Ervin Kryeziu, e njofton se Anastas Qesari e ka mashtruar dhe se shtëpia i ka kaluar Genc Veizit, nipit të Jeta Hasanit.
“Kanë pasur një problem, nuk e di çfarë kanë pasur me këta, i kanë pasur lekë borxh punë e tyre s’më duhet fare dhe ky tani ka vajtur i ka marrë 5 hyrje këtu bashkë me gjithë timen, një dyqan punë e tyre, mua s’më intereson as Genci asnjë, mua më intereson shtëpia ime, se unë kam derdhur lekët dhe kam 13 vjet që jetoj në këtë shtëpi, paguaj drita, ujë, shkallë të tëra. Në 14 tetor më vjen shkresa nga përmbaruesi që për 10 ditë të lirosh shtëpinë. Do na nxjerr nga shtëpia jonë. Dil ti nga shtëpia jote se do ja jap unë Gencit, pasi e ka fituar ai ankandin.”
Një skemë e mirëmenduar, ku duket se janë të përfshirë shumë palë. “Për t’i dhënë zgjidhje këtij problemi, ekzitojnë dy mundësi, që të bëhet një marrëveshje mes kreditorit dhe shoqërisë së ndërtimit në mënyrë që t’i lirohet, por tja kalojë me një akt që mund të jetë akt dhurimi përderisa pagesën e ka kryer, por duhet të bëhet njëherë likujdimi dhe të gjendet gjuha mesa palës kreditore dhe palës debitore apo shoqërisë së ndërtimit. Ndërsa rruga e dytë është që zonja Fotini të marrë pagesën me mirëkuptim nga shoqëria e ndërimit dhe diferencën që duhet për të blerë një apartament me të njëjtën sipërfaqe dhe në të njëjtën zone”- sqaron avokati.
Por përtej kësaj, asnjëra nga palët nuk pranon bashkëpunimin,ndërkohë që e dëmtuara e madhe e kësaj historie është vetëm Fotinia. Kështu, e vetmja rrugë për t’i dhënë zgjidhje kësaj situate kaq të komplikuar mbetet gjykata, me shpresën se fati kësaj here do të anojë nga 63-vjeçarja, që në të ardhmen të mos mbetet pa shtëpi.
