Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
INVESTIGIME
Vjehrra dhe kunata i 'zaptojnë' shtëpinë, Marjana: Më kërcënojnë me jetën e fëmijëve! Burrin ma futën në burg me kancer, vdiq me pengun e pronës
M.B.Përditësimi i fundit 6 Dhjetor 2024, 21:46
FIER- Rasti i sotëm na dërgon në Fier, për tu takuar me Marjana Tankun, një grua e ve që i duhet të bëjë rolin e nënës dhe të babait për fëmijët e saj, ndërsa i duhet të përballet dhe me një konflikt për pronën, në të cilin janë përfshirë vjehrra dhe kunata e saj. Një dramë në kufijtë e të paimagjinueshmes, por ja që ka ndodhur vërtetë. Një nënë që inskenon dhunën për të futur në burg djalin e sëmurë me kancer dhe një motër që bën çdo përpjekje për të mos i dhënë pronën që u takon fëmijëve të vëllait të ndjerë.
Siç shprehet Marjana, e cila ka udhëtuar nga Italia për të mbrojtur pronën e lënë nga burri, ajo më shumë kalon kohë në Komisariate, për shkak të denoncimeve që i bëjnë vjehrra dhe kunata se në shtëpinë e saj, që sipas Marjanës sa herë ka tentuar që të futet brenda, është përballur me ofendime, kërcënimeve dhe me dyer të lidhura me zinxhirë, për ti penguar hyrjen.
Komisariateve dhe Policisë nuk i ka shpëtuar as bashkëshorti i saj i ndjerë, Viktori, i cili pavarësisht se ishte në gjendje të rëndë shëndetësore për shkak të betejës me kancerin, u arrestua dhe u mbajt në Komisariat për tre ditë, pa asnjë kusht higjene dhe në mungesë të ilaçeve, që sipas Marjanës, kjo u bë shkak që plaga të infektohet dhe ia të mos e merrte dot kimion kur shkoi në Itali. Disa kohë më pas, ai ndërroi jetë, me pengun që pronën që i takon nuk ua la dot fëmijëve të tij.
Dhe Policia e Fierit, e cila thërritet vazhdimisht nga Elvira Qyqi, kunata e Marjanës, shprehet se zonja i ka dokumentat në rregull dhe se disponon certifikatë pronësie, por janë të detyruar ta shoqërojnë pasi vjehrra dhe kunata e saj bëjnë denoncime për dhune. Marjana shprehet se ka frikë për jetën e fëmijëve të saj, pasi është kërcënuar disa herë, por shton se nuk do të heqë dorë nga prona që i takon dhe që e ka amanet nga bashkëshorti i ndjerë.
Në përballjen e saj me Piranjat, Elvira nuk është aspak e lumtur që na takon, ndërsa vazhdimisht bën lojëra fjalësh, por në fund e pranon dhe del zbuluar, që nuk ka certifikatë pronësie, për banesën ku qëndron vetë, që sipas Marjanës, ia ka lënë nëna e saj, Marie Tanku. Kjo e fundit pasi i la banesën vajzës, u fut dhe zaptoi banesën e djalit, Viktorit të ndjerë. Në fakt dhe për konfliktin e supozuar deri tani, pasi nuk ka asnjë pamje të dhunës që Viktori akuzohet se shkaktoi ndaj nënës, Polica në njoftimin e saj sqaron se zonja ka kryer veprën penale të "Vetëgjyqësisë", pasi është futur me forcë në një banesë që nuk është e saj.
