Kryeministri Edi Rama ka pranuar se mes protestuesve të muajve të fundit kanë pasur edhe anëtarë, mbështetës dhe votues t&e...
AKTUALITET
‘Dominotë po bien një nga një’/ Koka: Protesta mund të përshpejtojë rënien e qeverisë
PiranjatPërditësimi i fundit 22 Dhjetor 2025, 11:24
Gazetari Bledian Koka u shpreh në ‘Kafe Shqeto’ në Syri TV, se situata politike në vend ka hyrë në një fazë kritike, ku denoncimet për kapjen e shtetit, përfshirjen e strukturave të sigurisë dhe skandalet e fundit të bëra publike po prodhojnë një reagim të fortë shoqëror.
Sipas tij, protestat nuk janë më vetëm një betejë e opozitës, por një sfidë direkte për qytetarët, të cilët sot, më shumë se kurrë, janë të thirrur të reagojnë përballë asaj që ai e cilëson si një kalbje të thellë të sistemit dhe një moment historik që mund të çojë në rrëzimin e qeverisë.
Bledian Koka: Mendoj që është një protestë e cila duhet të tregojë sa nga kjo, si me thënë, që kemi transmetuar gjatë këtyre ditëve, ka shkuar tek qytetarët. Dhe në qoftë se kemi, kjo është gjithë neveria, gjithë kapja e shtetit, fakti ku drejtori i policisë është një zar i koordinatorit të krimit, Edi Ramës, Ergys Agasi. Se po të dëgjosh më parë dhe bisedën që bëtë dhe në fakt kjo ishte, kjo ishte narrativa që BKH-ja po themi e konstatoi e sekuestroi dhe ndërkohë ishte policia e shtetit ajo që e ndihmoi si me thënë kushëririn e Agasit, mos gabohem, që të tërhiqte verën. Atë që është edhe ishte dhe provë krimi.
Gjithsesi, me sa di unë prova është administruar me video dhe me proces verbale, kështu që ata mund ta marrin ta pijnë verën, por që gjithsesi prova është administruar. Kjo do të thotë kalbja është shumë e madhe. Që do të thotë që provokimi është shumë i madh. Fotot e publikuara dje në rrjetet sociale, dokumenta, apo dhe denoncimi dramatik i Gazment Bardhit ku se si me thënë po me sa duket do kemi edhe rastin e Dritan Priftit 2.0 ditës pas. Pra atij njeriu që ka dëshmuar dhe ka përgjuar veten dhe të gjithë bashkëpunëtorët, gjithë bisedimet e tij, të paktën në vitin e fundit, mendoj që situata do të jetë akoma më dramatike dhe si me thënë pazëll do vijë duke u formuar, por ajo që është më e rëndësishme, dominotë po fillojnë të bien një nga një.
Sot qytetarët duhet ta kuptojnë që janë të ftuar në një kauzë e cila përshpejton rënien e dominove dhe për definicion përshpejton edhe rënien e qeverisë. Pra ajo që deri para një muaji dukej si e pamundur me të gjithë mekanizmat, me të gjithë rezistencën kryesisht opozitare dhe shumë pak qytetare, sot ka marrë formë dhe në qoftë se nuk duan që kjo gjëja që është një mundësi shumë e mirë për të ndodhur, pra rënia e qeverisë dhe ndërtimi i asaj që unë e kam quajtur qeveri, një qeveri teknike që do të duhet ta dekriminalizojë vendin së pari, do të duhet ta de, po e quajmë kështu, siç quhen këta, de-patronazhojë vendin, duke qenë se, si me thënë, janë këto dy mekanizmat me të cilët bazohet çdo lloj fitore, ose nis fitore, projektimi i fitores, fitore i thënë, qoftë nga ana e Partisë Socialiste. Janë momente shumë të rëndësishme në të cilën si me thënë, nuk janë vetëm sfida e opozitës, por janë dhe sfida e qytetarëve. Sepse si me thënë, e mira e vendit nuk është vetëm e mira e opozitës, por është dhe e mira e qytetarëve. Për këtë nuk duhet vetëm si me thënë opozita në shesh, por duhen edhe qytetarët.
