Elisa Spiropali ka reaguar pas zgjedhjeve në Serbi, ku Lista e Studentëve fitoi përballë Alexandar Vuçiç.
Deputetja sociali...
AKTUALITET
Aktiviteti i LGBTQ+ në Tiranë/ Ekspozimi i fëmijëve në foto ndez debate të forta në rrjet
PiranjatPërditësimi i fundit 24 Maj 2026, 16:31
Parada e komunitetit LGBTQ+ e zhvilluar një ditë më parë në rrugët e Tiranës ka sjellë reagime dhe debat në rrjetet sociale, pas publikimit të disa fotove nga aktiviteti.
Në disa foto të publikuara shfaqen fëmijë të mitur pjesëmarrës në këtë aktivitet.
Në një prej imazheve të postuara ku ndodhet ambasadori i Bashkimit Europian në Shqipëri, Silvio Gonzato, dhe zv.kryeministrja Albana Koçiu, shfaqen në pjesën e pasme edhe dy vajza të mitura, të cilat sipas reagimeve në rrjet janë fëmijë të adoptuara nga një çift i komunitetit LGBTQ+ i të njëjtit seks, pjesëmarrëse në aktivitet.
Pas publikimit të fotos, njëra prej partnereve të çiftit ka reaguar publikisht në rrjetet sociale, duke kërkuar që fotografia të raportohet dhe të hiqet nga publikimi, pasi sipas saj vajzat janë shfaqur me fytyrë të identifikueshme, çka cenon privatësinë dhe sigurinë e tyre.
Në postimin e saj ajo shkruan:
“Ju lutem, nëse shihni postime nga Pride 2026, ku paraqiten dy vajzat tona me fytyrë të zbuluar, do t’ju ishim shumë mirënjohës nëse do të bënit report fotografinë për të mbrojtur privatësinë dhe sigurinë e tyre.”
Redaksia jonë ka vendosur të publikojë fotografinë me fytyrat e vajzave të paidentifikueshme, duke respektuar sigurinë e të miturve.
Megjithatë, rasti ka ngritur një debat më të gjerë në opinionin publik dhe rrjete sociale: A duhet të jenë pjesë e aktiviteteve dhe protestave të tilla fëmijët e mitur, sidomos kur ekspozohen në ambiente publike dhe fotografitë e tyre shpërndahen masivisht online?
Por edhe më e rëndesishmja, a po përdoren fëmijët në këto aktivitete si pjesë e një mesazhi apo promovimi publik nga të rriturit, duke qenë se në aktivitet ka edhe fëmijë të tjerë të pranishëm?/Piranjat News
