Një ngjarje e rëndë është regjistruar mëngjesin e kësaj të marte në qytetin e Korçës, ku një 66-...
AKTUALITET
EMRI/ Pjesë e një grupi të strukturuar kriminal në Itali, arrestohet 24-vjeçari shqiptar
n.fPërditësimi i fundit 12 Shkurt 2025, 14:16
TIRANË- Një 24-vjeçar është vënë në pranga ditën e sotme. Arrestimi i të riut mësohet se ka ardhur pasi ai dyshohet si pjesë e një grupi të strukturuar kriminal në Itali.
I riu i vendosur në pranga është Klinder Luka. Ndaj Lukës Gjykata e Venecias ka lëshuar urdhër arresti mbi dyshime për kryerje të veprave penale në fushën e narkotikëve në kuadër të grupit të strukturuar kriminal. Interpol Tirana po bashkëpunon për ekstradimin e tij drejt Italisë.
Si rezultat i hetimeve dhe veprimeve operacionale, të kryera në koordinim me partnerët italianë, në kuadër të një procedimi penal, të iniciuar nga Prokuroria e Venecias, Sektori për Hetimin e Grupeve Kriminale në Drejtorinë për Hetimin e Krimit të Organizuar, në Departamentin e Policisë Kriminale, në DPPSh, në bashkëpunim me DVP Lezhë, me Zyrën e Interforcës Italiane në Shqipëri, me Zyrën e Ekspertit të Sigurisë Italiane dhe me Karabinierinë e Venecias, zhvilloi në Shqipëri, operacionin ndërkombëtar antidrogë, të koduar “SACRIPANTE.AL”.
Gjatë operacionit u lokalizua dhe u arrestua provizorisht, për t’u ekstraduar në Itali, shtetasi shqiptar Klinder Luka, 24 vjeç. Gjykata e Venecias ka lëshuar urdhër arresti për këtë shtetas, mbi dyshime për kryerje të veprave penale në fushën e narkotikëve, në kuadër të grupit të strukturuar kriminal, sipas parashikimeve të neneve 81, 110 dhe 73 të Kodit Penal italian. Gjatë operacionit “SACRIPANTE”, u vunë në pranga në Itali, 10 shtetas. Interpol Tirana po bashkëpunon me homologët, për ekstradimin në Itali, të shtetasit të arrestuar.
