Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
AKTUALITET
Çështja "Gërdeci"/ GJKKO refuzoi kërkesën, flet avokati i Mediut për përplasjet në seancë: Nuk mundet të adresohen fjalë fyese në gjykata!
n.fPërditësimi i fundit 15 Maj 2024, 13:27
Ardian Visha
TIRANË- Ish-ministri i Mbrojtjes, Fatmir Mediu i ka kërkuar Gjykatës së Posaçme të urdhërojë kryerjen e një akt ekspertimi të ri ekonomiko-financiar. Në lidhje me këtë kërkesë u zhvillua ditën e sotme një seancë ku GJKKO ka refuzuar kërkesën e palës mbrojtëse të Mediut. Në lidhje me refuzimin e kërkesës ka folur avokati i Mediut, Ardian Visha i cili në një prononcim për mediat u shpreh se GJKKO po rrëzon të gjitha kërkesat e bëra prej tyre.
Avokati shtoi se kanë konstatuar aktekspertimin financiar në formë e përmbatje ndërsa tha se 2 prej tyre punojnë në institucion të KLSH-së. Visha tha se nuk ka asnjëri prej tyre licenën e ekspertit dhe se nuk është njoftuar mbrojtja mbi cilësinë e tyre.
“Po rrëzohen të gjitha kërkesat që ne bëjmë edhe ato që ligji na jep të drejtë. Kontestuam aktekspertimin financiar në formë e përmbatje. 2 prej tyre punojnë në institucion të KLSH. Nuk ka asnjëri prej tyre licenën e ekspertit. Nuk është njoftuar mbrojtja mbi cilësinë e tyre. Gjatë hetimit paraprak ka pasur zero komunikim, prandaj e bën të papajtueshme. Kemi kontestuar dhe përmbajtjen e aktit," tha ai.
Avokati gjithashtu komentoi përplasjet në sallën e gjyqit me familjarët e viktimave ku u shpreh se nuk mund të përdoren fjalë fyese ofenduese e sharëse në proces e gjykata.
"Nuk mundet që të adresohen fjalë fyese ofenduese e sharëse në proces e gjykata të rrijë të bëjë spektatorin para tyre, si të ishte i emëruari i viktimave e jo autoritet që duhet të gjykojë në mënyrë të paanshme cështjen," tha ai.
