EURO 2024/ Policja gjermane spektakël në rrugë, u "vjedh" vëmendjen tifozëve shqiptarë dhe spanjollë

Policia

GJERMANI- Edhe pak orë na ndajnë nga përballja e rëndësishme e kombëtares Shqiptare me atë të Spanjës në kuadër të fazës së grupeve në "Euro 2024". Ndërkohë para ndeshjes tifozët shqiptarë ashtu siç ndodhi edhe në përballjen me Italinë dhe Kroacinë kanë mbushur rrugët e Gjermanisë.

Ndonëse kombëtarja ka pësuar humbjen e parë kundër Italisë dhe një barazim me Kroacinë tifozët "Kuqezi" janë mjaft entuziastë dhe shpresojnë për një mrekulli sonte. Por përveç shqiptarëve të cilët kanë qenë protagonistë në rrugët e Düsseldorf, vëmendje të madhe ka marrë edhe një efektive policie. Tifozët kanë regjistruar efektiven e cila veshur me uniformë xhonglon topin disa herë në rrugë ndërsa mbështetet nga turma e cila e motivon atë të vijojë më tej me spektalin e saj. 

Shqipëria mbrëmjen e sotme do të zhvillojë përballjen e saj të tretë për këtë europian në fazën e grupeve. Kombëtarja jonë do të futet në fushën e stadiumit "Merkur Spiel-Arena" me 1 pikë ndërsa Spanja me plot 6 pikë pas dy fitoreve kundër Italisë dhe Kroacisë. Shqipëria do të luftojë sot në orën 21:00 të marrë trepikëshin e parë për të qëndruar akoma në lojë dhe të luftojë për te kaluar në fazën e grupeve. Kombëtarja nuk arriti të merrte më shumë se një pikë ndaj barazimit me Kroacinë ndërsa ndaj Italisë u mposht edhe pas golit që theu rekordin në sekondën e 23.

euro 2024 shqiperi spanje