Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Evakuohen banorët e pallateve/ Zjarri masiv te tregu i “5 Majit”, dyshohet për praninë e bombulave të gazit në magazina
PiranjatPërditësimi i fundit 8 Janar 2026, 21:19
Zjarri që ka përfshirë magazinat në tregun e rrobave të përdorura në zonën e 5 Majit në Tiranë vijon të jetë aktiv, ndërsa situata paraqitet e rrezikshme për shkak të dyshimeve se në ambientet që po digjen mund të ketë edhe bombula gazi. Flakët janë të përmasave të mëdha dhe kanë shkaktuar panik te banorët dhe bizneset përreth.
Forcat zjarrfikëse po punojnë për izolimin e zjarrit dhe parandalimin e përhapjes së tij, ndërsa policia ka vendosur perimetrin e sigurisë dhe ka evakuuar banorët e pallateve pranë zonës. Për shkak të rrezikut nga përhapja e zjarrit dhe tymit të dendur, banorët e pallateve përreth janë evakuuar nga banesat e tyre si masë sigurie.
Në vendngjarje ndodhen disa mjete zjarrfikëse dhe dhjetëra efektivë, të mbështetur edhe nga forca ndihmëse nga qytete të tjera.
Prefekti i Tiranës Afrim Qendro, në një komunikim për mediat nga vendngjarja, dha detaje për zjarrin. Ai theksoi se nuk ka persona të lënduar nga flakët, duke shtuar se nuk ka lëndë të rrezikshme të përfshira nga zjarri, por janë kryesisht rroba ndërsa theksoi se situata mbetet kritike.
