Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
POLITIKE
Fatmir Xhafaj i del kundër të vetëve në Kuvend: Po digjen fondet e buxhetit 2026!
PiranjatPërditësimi i fundit 19 Nëntor 2025, 21:31
Në seancën e sotme parlamentare, deputeti socialist Fatmir Xhafaj doli hapur kundër qeverisë, duke kritikuar mënyrën se si po menaxhohen fondet e buxhetit 2026. Ai tha se problemi nuk është vetëm rritja e shifrave në letër, por fakti që një pjesë e mirë e fondeve nuk shpenzohen fare. Sipas Xhafajt, mosrealizimi i buxhetit po kthehet në një fenomen të rrezikshëm që dëmton zhvillimin, ul mundësitë për investime dhe sjell më pak kujdes social për qytetarët. Ai theksoi se ky është një dështim i institucioneve që duhet të administrojnë paratë publike.
“Është keqardhje e madhe të shohësh që fondet nuk shpenzohen. Kjo do të thotë më pak zhvillim, më pak shërbime dhe më pak vende pune. Nuk mjafton t’i rrisim shifrat në buxhet, duhet t’i shpenzojmë drejt,” u shpreh ai.
“Në qendër të çdo buxheti nuk është shifra, por rezultati. Prandaj, nuk mjafton të rrisim fondet; duhet t’i shpenzojmë drejt, me eficencë. Keqardhje kur sheh që një pjesë e mirë e fondeve buxhetore nuk realizohen. Kjo do të thotë më pak zhvillim, më pak kujdes social me pak vende pune.
Pse ndodh kjo? Disa thonë që lidhet me drejtësinë e re dhe kryesisht me institucionet e drejtesise penale. Mund të jetë kështu, por askush nuk thotë çfarë konkretisht. Mund të ketë dhe unë besoj se ka diçka, ndaj në seancat e mëparshme kam ngritur shqetësimin dhe kam kërkuar që të tregohet kujdes me penalizimin e administratës dhe biznesit në këtë vend, për një kulturë e qasje tjetër nga strukturat e drejtësisë penale në këtë aspekt. Kjo kërkon të ulen palët në tavolinë per dialog dhe të shohin se cilat janë reflektimet që duhen bërë.
Po përtej asaj çfarë ka racionale në këtë histori, personalisht besoj se në jo pak raste kjo është një alibi mbas së cilës fshihet një problematikë tjetër me vetë institucionet e agjencitë që merren me administrimin e fondeve buxhetore. Nisur dhe nga raportimet e bëra në komision rezulton se një pjesë e kanë realizuar mbi 90% buxhetin e përcaktuar për investime, por edhe për mallra e shërbime. Atëherë si shpjegohet që disa e realizojnë e disa jo buxhetin e akorduar në vitin përkatës buxhetor?
Si shpjegohet që disa i realizojnë prokurimet në fondin limit 99% dhe disa arrijnë të kursejnë deri në 20% të fondit të prokuruar? Besoj se ka disa faktorë që ndikojnë në këtë realitet.
Ndër të tjera kjo lidhet me drejtimin e institucioneve, me aftësitë menaxhuese të drejtuesve dhe sidomos me aftësinë për të zgjedhur njerëzit e përshtatshëm në këto procese, me motivimin dhe mbështetjen e tyre për të punuar të qetë dhe në liri të zbatojnë drejt ligjin dhe përgjegjësitë përkatëse,” tha Xhafaj.
