Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
AKTUALITET
FOTO/ Humbi jetën në spital pasi u plagos dje nga të shtënat me armë zjarri në Laç, ja kush është 24-vjeçari Geri Bitri
M.B.Përditësimi i fundit 4 Maj 2025, 14:15
LAÇ- Personi në foto është 24-vjeçari Geri Bitri i cili humbi jetën gjatë natës në spitalin e Traumës në Tiranë pas plagëve që mori dje nga të shtënat me armë zjarri në Laç. Mësohet se 24-vjeçari nuk ka mundur t'u mbijetojë plagëve të marra dhe ka gjetur vdekjen gjatë natës.
Plagosja me armë zjarri ka ndodhur ditën e djeshme në Laç pranë ish-Gjykatës së Kurbinit. Të plagosur kanë mbetur Amarildo Ndoj, Liridon Ismaili, Daniel Gjeloshi, Geri Bitri dhe Angjelina Gjezaj. Kjo e fundit po shiste qirinj anës rrugës në momentin e plagosjes. Pesë personat e plagosur u dërguan për ndihmë mjekësore më të specializuar në spitalin e Traumës në Tiranë, ndërsa një prej tyre u raportuar që në momentet e para se ishte në gjendje të rëndë shëndetësore.
Mësohet se i arrestuari Klevis Ndreca 28-vjeç ka qenë në makinë me Amarildo Ndojn 26-vjeç, ndërsa Daniel Gjeloshi 26-vjeç ka qenë në makinë me Liridon Ismailaj 26-vjeç dhe Gerald Bitrin 24-vjeç, ky i fundit i mbetur viktimë.
Sipas informacioenve, të rinjtë janë konfliktuar verbalisht për shkak se gjatë lëvizjes me makinë kanë kapur pasqyrat e njëri-tjetrit. Konflikti verbal 5 minuta më vonë ka agravuar në përdorimin e pistoletave. Ata kanë lënë të takohen e të sqarohen pak më tutje në rrugën ku ndodhi edhe ngjarja. Sapo kanë ndaluar dhe zbritur, Ndreca ka nisur të qëllojë me armë.
Ndreca dhe Gjeloshi kanë qëlluar me armë në drejtim të njëri-tjetrit. Klevis Ndreca ka qëlluar me armë drejt tre të rinjve të tjerë, të cilët i la të plagosur. Nga të shtënat me armë i plagosur aksidentalisht mbeti edhe shoku i tij Amarildo Ndoj dhe shitësja ambulante. Me armë zjarri pistoletë është kundërpërgjigjur edhe Daniel Gjeloshi, por nuk ka plagosur asnjë person.
