Gjykata Penale ka vendosur lirimin e tre protestuesve të ndaluar gjatë protestave studentore, të cilat vijojnë prej dy javësh në...
AKTUALITET
Hetimet për Ballukun, SPAK zgjeron kontrollet edhe te bizneset e Salillarit, 'Senka' në Lushnje dhe në zyrat e Arbër Abazit
PiranjatPërditësimi i fundit 9 Janar 2026, 20:21
Detaje të reja janë mësuar nga kontrollet e SPAK për çështjen e Belinda Balluku. Kontrolle janë kryer edhe në kompaninë Salillari të Pëllumb Salillarit. Gjithashtu Kontrolle janë bërë në kompaninë Senka në Lushnje që zotërohet nga Ylli dhe Donika Senka.
SPAK ka ushtruar konrolli këtë të premte edhe ne bizneset e Arbër Abazit, pronar i kompanisë Alko-Impex. Nga hetimet rezulton se kjo kompani, në bashkëpunim me kompaninë 2T, në pronësi të vëllait të Gramoz Sakos, ky i fundit kryetar i bashkisë së Tepelenës dhe më herët kreu i Gardës së Republikës, kanë fituar tenderin Loti 7 Unaza e Madhe.
Sipas të dhënave të siguruara nga celulari i Ervis Berberit, ish kreu i Autoritetit Rrugor Shqiptar, rezulton se Belinda Balluku ka ndikuar dhe ka ndërhyrë që tenderi Loti 7 Unaza e Madhe të fitohej nga bashkimi i operaorëve ekonomikë dhe në rastin konkret, njëra prej kompanive i përket Arbër Abazit. Prokurorët kanë dyshimet se ky tender jo vetëm është paracaktuar nga Balluku, por lidhja me Arbër Abazin është në konflikt të hapur interesi pasi ai bashkëjeton me një familjare të Belinda Ballukut.
Sipas vendimit të firmosur nga gjyqtari i Posaçëm Erjon Çela, rezulton se Abazit i është konrolluar jo vetëm banesa dhe zyra e biznesit, por ka pasur urdhër edhe për kontroll personal, çka nënkupton për sekuestrim të celularit të tij apo të familjarëve. Nga zbërthimi i këtyre të dhënave mund të rezultojnë të dhëna apo fakte të reja që mund të rëndojnë pozitën e Ballukut.
