Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
AKTUALITET
Dhunimi për vdekje i Egli Progës, ndryshohet prokurorja e çështjes pas kërkesës së familjarëve
r.llPërditësimi i fundit 7 Shtator 2024, 16:34
egli proga
KORÇË- Pas kërkesës së familjarëve të Egli Progës, i cili u dhunua për vdekje nga Denis Meçe, drejtuesi i Prokurorisë së Korçës ka vendosur të largojë prokuroren Vasjana Postoli nga hetimi i çështjes. Postoli, e cila në një vendim të mëparshëm kishte ndryshuar akuzën ndaj autorit Denis Meçes, duke e cilësuar atë si “vrasje nga pakujdesia", do të zëvendësohet nga një prokuror tjetër.
Një ditë më parë, u publikuan edhe rezultatet e ekspertizës mjeko-ligjore lidhur me vdekjen e 42-vjeçarit. Në akt ekspertimin thuhej se shkaku i vdekjes së 42 vjeçarit është hemorragji në cipen e trurit dhe hemorragji e indit trunor. Ky akt-ekspertim mjeko-ligjor i është dërguar Prokurorisë së Korçës e cila po vijon hetimet për vrasjen e Egli Progës.
Motra e Egli Progës reagoi pas publikimit të ekspertizës mjeko-ligjore mbi vdekjen e Eglit, ku shprehej se Policia e Shtetit ka "përdhosur" për të tretën herë kujtimin e vëllait të saj. Ajo ka përmendur sërish lëvizjen e makinës nga vendngjarja, parakolpi i së cilës, sipas saj ishte mbuluar me gjak. Jonida ka akuzuar dy mjekët që kanë kryer ekspertizën për mashtrim. Ajo shkruan se motra e njërit prej tyre ka punuar si vartëse e ish-drejtorit të Posta Korçë, Valter Gora, i cili është daja i dhnuesit Denis Meçe. Motra e të ndjerit ka rreshtuar dhe shumë të tjera lidhur me ngjarjen, ndërs ashkruan se do t'i shkojë çështjes deri në fund dhe do të kërkojë drejtësi për të vëllanë e saj.
Egli Proga dyshohet se u dhunua nga 29-vjeçari Denis Meçe. Ky i fundit është i arrestuar, ndërsa hetimet për ngjarjen vijojnë ende pasi ka dyshime se ngjarja ka tentuar të fshihet nga autoritetet. Në pranga bashkë me autorin janë vënë edhe tre persona të tjerë, Voltan Shulkun, Leonidha Guçen, Arian Manellarin. Ata akuzohen për veprat penale “Moskallzim krimi”, dhe “Veprime që pengojnë zbulimin e së vërtetës”. Ata kanë qenë të pranishëm kur ka ndodhur ngjarja dhe nuk kanë kallëzuar krimin duke penguar zbardhjen e së vërtetës.
