Ardhja e shtetasve të huaj në Shqipëri për qëllime studimi kryesohet nga italianët dhe indianët.
Deri në qershor 2026...
AKTUALITET
I vodhi sende me vlerë prej 500 mijë eurosh, prezantuesja përballet me hajdutin shqiptar. Gjykata jep vendimin e dënimit
PiranjatPërditësimi i fundit 10 Shkurt 2026, 19:23
Prezantuesja dhe modelja holandeze Sylvie Meis, e cila jeton në Gjermani, ishte e pranishme në seancën gjyqësore për vjedhjen e ndodhur në banesën e saj luksoze në Hamburg, gjatë verës së vitit 2023, në kohën kur ajo ndodhej me pushime në Ibiza.
Sipas hetimeve të Policisë së Hamburgut, në vjedhje u përfshi një grup autorësh nga Shqipëria, ndërsa një prej tyre, shtetas shqiptar, u arrestua dhe u nxor para gjykatës. Autorët hynë me forcë në apartamentin e saj në katin e pestë të godinës, duke vjedhur 22 çanta luksoze me vlerë rreth 530 mijë euro.
Sylvie Meis mori pjesë në seancë dhe ushtroi të drejtën e fjalës, duke folur për pasojat psikologjike të ngjarjes. Ajo deklaroi se, pavarësisht dëmshpërblimit nga siguracioni, vazhdon të përjetojë frikë, ankth dhe sulme paniku.
Autori i arrestuar, 42-vjeçari Ermal M., u dënua me katër vite burg. Ai kërkoi falje në gjykatë, duke pretenduar se kishte rol dytësor në vjedhje. Prezantuesja theksoi se ngjarja ka ndikuar edhe tek djali i saj 19-vjeçar.
Pas përfundimit të procesit gjyqësor, Sylvie Meis po përpiqet të rikthehet në jetën e përditshme, megjithëse vijon të përballet me pasoja emocionale nga ngjarja.
