Kryetari i Partisë Demokratike, Sali Berisha, ka folur për mediat para Kuvendit, ku ka kundërshtuar mënyrën se si, sipas tij, po proc...
AKTUALITET
Braktisur nga shoku dhe shteti – Familjarët e Jurgenit për “Piranjat”: 3 ditë në ujëra, kërkimet vetëm nga ne!
PiranjatPërditësimi i fundit 12 Janar 2026, 23:38
Një denoncim ka mbërritur në redaksinë e Piranjat News për një 30-vjeçar të zhdukur, i cili dyshohet se është marrë nga rrjedha e një përroi më 9 janar në Klos, si pasojë e reshjeve të dendura të shiut. Familjarët pretendojnë se policia nuk po kryen detyrën që i takon, ka neglizhuar rastin dhe ka ndërprerë kërkimet, duke i lënë të vetëm në përpjekjet për ta gjetur.
Deri më tani nuk ka asnjë gjurmë nga Jurgen Karaj i zhdukur prej 3 ditësh. Kërkimet sipas tyre po bëhen vetëm prej familjarëve dhe jo nga autoritetet përgjegjëse që natyrisht kanë mjetet e nevojshme në dispozicion dhe polumbarë.
Familjarët thonë se deri të dielën, kërkimet kanë qenë intensive nga autoritetet, por më pas kanë ndaluar. Ata bëjnë apel për gjetjen e trupit të të dashurit të tyre.
"...Përshëndetje, jam familjari i Jurgen Karajt. Po ju shkruaj në emër të vëllait dhe babait të Jurgenit Nuk është normale që vëllai i Jurgenit të dalë vetë për të kërkuar trupin e të vëllait në një gjendje të rëndë psikologjike..."
Edhe pse Ministri i Mbrojtjes, Pirro Vengu deklaronte një ditë më parë se vijojnë kërkimet ‘intensive’, fati i të riu vijon të jetë mister.
30-vjeçari, dyshohet se u mor nga rrjedha e përroit të fshatit Dars në Klos dhe ka përfunduar në lumin Mat. Ai ishte duke udhëtuar me një mjet tip “Audi” me drejtues 24 vjeçarin Andi Losha, kur ky i fundit humbi kontrollin dhe ranë në përrua.
Karaj dyshohet të jetë marrë nga rrjedha, ndërsa ende nuk ka asnjë gjurmë prej tij. Ndërkohë Andi Losha u arrestua nga policia, pasi dyshohet se nuk e ka ndihmuar 30-vjeçarin.
Denoncimi:
“Përshëndetje, jam familjari i Jurgen Karajt. Po ju shkruaj në emër të vëllait dhe babait të Jurgenit. Deri dje kërkimet kanë qenë masive, ndërsa sot kanë kërkuar vetëm familjarët dhe disa persona që duken jo aq të interesuar. Nuk është normale që vëllai i Jurgenit të dalë vetë për të kërkuar trupin e të vëllait në një gjendje të rëndë psikologjike.
Kemi marrë vesh se po bëhen padrejtësi dhe shkelje me ligjin dhe duket që situata është e korruptuar. Do t’ju bashkëngjis edhe një video që tregon se nuk ka asnjë person në kërkim dhe të gjithë sillen të painteresuar, thjesht duke qëndruar larg. Ju lutem, kërkojmë ndihmën tuaj për drejtësi. Faleminderit.”
