Detaje të reja janë mësuar në lidhje me ngjarjen në Roskovec, ku Besmir Mustaj ka qëlluar me armë zjarri në portë...
AKTUALITET
Ish-presidenti i Kroacisë letër Tedi Blushit, Stipe Mesic: I shqetësuar që të drejtat civile të Metës janë në rrezik! Organizatat ndërkombëtare të reagojnë
PiranjatPërditësimi i fundit 25 Maj 2026, 14:28
Ish-presidenti i Kroacisë, Stipe Mesić, i ka dërguar një letër Sekretarit të Përgjithshëm të Partisë së Lirisë, Tedi Blushi, ku shpreh mbështetjen dhe solidaritetin e tij për kreun e PL-së, Ilir Meta, i cili ndodhet në paraburgim.
Në mesazhin e tij, Mesić shprehet se e ka ndjekur me shqetësim situatën e Metës dhe flet për atë që ai e konsideron shkelje të të drejtave themelore gjatë procesit gjyqësor dhe trajtimit në paraburgim.
“Kam mësuar me trishtim për zhvillimet ndaj z. Meta dhe jam thellësisht i shqetësuar që të drejtat e tij civile janë vënë në rrezik”, thuhet në letrën e ish-presidentit kroat.
Mesić u bën thirrje institucioneve shqiptare të garantojnë respektimin e të drejtave themelore të Ilir Metës, ndërsa apelon edhe ndaj organizatave ndërkombëtare që mbrojnë të drejtat civile të reagojnë për këtë çështje.
“Kërkoj nga organizatat ndërkombëtare për mbrojtjen e të drejtave civile që të ndjekin me vëmendje këtë rast dhe të reagojnë”, thekson ai.
Në fund të letrës, ish-presidenti kroat shpreh pritshmërinë që institucionet përgjegjëse të japin një reagim lidhur me situatën e krijuar ndaj ish-presidentit shqiptar.
