Protestuesit janë mbledhur sot para Ministrisë së Arsimit, në kuadër të protestës së njoftuar për orën 14:00...
AKTUALITET
“Jemi në prag falimentimi”, peshkatarët e Durrësit ngrenë zërin: Kryeministri ynë është i ngarkuar shumë, vjen rrallë
PiranjatPërditësimi i fundit 27 Maj 2026, 17:32
Peshkatarët e Durrësit janë mbledhur këtë të mërkurë për të ngritur shqetësimet mbi vështirësitë që po përballon sektori i peshkimit, duke paralajmëruar se ata ndodhen në prag falimentimi.
Gjatë një takimi mes pronarëve të anijeve të peshkimit dhe Autoritetit Portual të Durrësit, nuk munguan debatet dhe akuzat për mungesë mbështetjeje ndaj këtij sektori. Pronarët e pesharexhëve deklaruan se po detyrohen të paguajnë rrogat e peshkatarëve nga të ardhurat personale, vetëm për të shmangur largimin e tyre nga puna.
Një prej pronarëve të peshkarexhëve, Besim Troplini, u shpreh i zhgënjyer nga mungesa e vëmendjes se kryeministrit, duke u shprehur me ironi se ai është shumë i ngarkuar e vjen shumë rrallë, se po të vijë më shpesh as çereku i këtyre problemeve nuk do të ishin
“Fatkeqësia jonë është vetëm një gjë, po jua them me gojën plot: Kryeministri jonë është i ngarkuar shumë, vjen rrallë, se po të vijë më shpesh as çereku i këtyre problemeve nuk do të ishin.
Pra vullnet nëpër zyra për t’ia bërë më të lehtë punën peshkatarëve, që neve të na teprojnë lekë me ble ato rrathët e bukur të shpëtimit, që dalin aty, të blejmë fishekzjarret e bukur, të investojmë pra tek mjetet, t’i lyejmë ato, të bëjmë sistemet ashtu siç duhet neve këto lekë na i marrin përditë, njëçikë këtu, njëçikë atje, njëçikë atje dhe vjen fundi i muajit dhe neve jemi me minus”., tha pronari i peshkarexhës, Besim Troplini, ndërsa po fliste për problematikat e sektori.
