Luka Modric pritet t’i japë fund aventurës së tij me fanellën e Kroacisë pas më shumë se një dekade të mbus...
AKTUALITET
KPP bllokon tenderin 7.7 mln euro për mirëmbajtjen e platformës së Fiskalizimit, sistemi në kolaps për mijëra biznese
PiranjatPërditësimi i fundit 4 Shkurt 2026, 17:16
Komisioni i Prokurimit Publik ka bllokuar për herë të dytë tenderin e AKSHI-t për mirëmbajtjen e sistemit të fiskalizimit, në një kohë kur bizneset po përballen me ndërprerje totale të shërbimit. Sipas vendimit të datës 3 shkurt, AKSHI nuk ka publikuar dosjen e plotë të tenderit dhe nuk ka dhënë sqarime për disa terma teknikë thelbësorë të procedurës.
Tenderi me vlerë 7.7 milionë euro për mirëmbajtjen e Modulit të Menaxhimit të Kontrollit të Faturimit për Drejtorinë e Përgjithshme të Tatimeve ka dështuar për të disatën herë. I hapur fillimisht në maj të vitit të kaluar, procesi i prokurimit ka kaluar një sërë ankimesh pranë Komisionit të Prokurimit Publik.
Edhe pse kanë kaluar më shumë se tetë muaj nga shpallja, tenderi vijon të mbetet i bllokuar, duke shënuar një nga rastet më të zgjatura të një procedure prokurimi publik në vend. Fillimisht, procedura u ankimua nga kompania CSP, ndërsa në muajt e fundit ankimimet janë paraqitur në mënyrë të përsëritur nga kompania Data Log, në pronësi të biznesmenit Sokol Sinani. Ndërkohë, zvarritja e procesit ka sjellë pasoja konkrete për bizneset, të cilat po përballen me vështirësi në dorëzimin e bilanceve dhe librave të shitjes, për shkak të problemeve të vazhdueshme në funksionimin e sistemit të fiskalizimit.
