Ish-zëvendëskryeministres Belinda Balluku iu komunikua sot shtyrja e hetimeve nga ana e SPAK deri më janar të vitit 2027. Siç shihe...
AKTUALITET
Kush janë emrat që garojnë për në 5 bashki të vendit më 9 nëntor, mazhoranca dhe opozita përcaktojnë kandidatët
PiranjatPërditësimi i fundit 25 Tetor 2025, 12:43
Ndërkohë që na ndajnë vetëm pak ditë nga zgjedhjet e pjesshme të 9 nëntorit për 5 bashki të vendit, partitë politike kanë bërë publike kandidatët që do të mbështesin për postet e kryetarëve të bashkive.
Partia Socialiste ka paraqitur kandidatët e saj zyrtarë për Vlorën, Berat, Cërikun, Matin dhe Tepelenën. Në Vlorë, kandidatja është Brunilda Mersini, e cila u zgjodh deputete, por më pas e la mandatin. Në Berat, PS ka propozuar Ervin Cecën, ndërsa në Cërik kandidati është Florenc Doka. Për Matin, PS ka zgjedhur Altin Bojnin dhe për Tepelenën Gramoz Sako. Për Tiranën, PS ka propozuar Ogerta Manastirliu, megjithatë zgjedhjet në kryeqytet janë pezulluar nga Gjykata Kushtetuese.
Nga ana tjetër, Partia Demokratike ka shprehur mbështetje për kandidatë të pavarur. Në Vlorë, PD mbështet Dionis Sotën, i cili është i pavarur. Në Berat, opozita do të mbështesë kandidaturën e Pavlo Shkarpës, gjithashtu i pavarur, ndërsa në Cërik do të mbështesë Amarildo Hoxhën, i pavarur. Në Mati, PD mbështet Eduart Brahilikën, po ashtu të pavarur. Në Tepelenë, opozita mbështet Gabriel Gumën, i pavarur.
Për bashkinë e Cërikut, do të kandidojë gjithashtu Eligert Hima nën logon e "Lëvizja Shqipëria Bëhet".
