Ndarja e përgjegjësive për punët e shtëpisë mund të ndikojë edhe në kënaqësinë në çift...
AKTUALITET
"Mafia shqiptare kërkon të sabotojë zgjedhjet!" 38 arrestime në Venezuelë, mes tyre në pranga edhe i riu nga Shqipëria, ja çfarë iu gjet (FOTO+EMRI)
M.B.Përditësimi i fundit 20 Maj 2025, 20:54
VENEZUELA- Pas publikimit të deklaratës së presidetit venezuelian Nicolas Maduro se mafia shqiptare në Ekuadorështë e porositur për të kryer sulme terroriste më 25 maj, ditën e zgjedhjeve në vendin e tij, kanë dalë të tjera detaje lidhur me arrestimet që ai gjithashtu përmendi. Bëhet me dije se autoritetet venezueliane kanë arrestuar 38 persona të lidhur me një komplot për të krijuar trazira përpara zgjedhjeve legjislative dhe lokale.
Gjithashtu mësohet se nga 38 të ndaluarit, 21 janë shtetas venezuelas, ndërsa 17 të tjerët janë të huaj, përfshirë shtetas kolumbianë, meksikanë, ukrainas dhe shqiptarë. Po ashtu qeveria vendase ndaloi mbërritjen e fluturimeve të pasagjerëve nga Kolumbia pasi disa nga të dyshuarit e dyshuar mbërritën në Venezuelë nga ai vend.
Në një konferencë për shtyp të mbajtur të hënën, më 19 maj, zyrtari për sigurinë në Venezuelë shpjegoi se grupi prej 8 vetash vendas u kap me pajisje shpërthyese, “atë që ata e quajnë detonatorë elektrikë”. Ai përsëriti se eksplozivët do të synonin ambasadat, spitalet, qendrat e shërbimeve publike, komandat e policisë dhe figura, si nga qeveria kombëtare, ashtu edhe nga opozita.
Mësohet se midis të ndaluarve në aeroport është një shqiptari që mbante me vete një pasaportë kolumbiane dhe dyshohet se kishte një urdhër arresti ndërkombëtar për trafik droge, i identifikuar si Enit Kasmi.
Bëhet me dije se shqiptarit i ishin sekuestruar 3 telefona celularë dhe se kishte një rezervim në një hotel në Karakas. Sipas autoriteteve vendase, Kasmi mbante me vete një leje për armëmbajtje të lëshuar nga qeveria e Bogotas.
“Rastësisht, në Kolumbi, ata nuk dinë asgjë. Dhe nuk dinë asgjë sepse kolumbiani madje mban armë. Kur ky qytetar u kap, gjëja e parë që u përpoq të bënte ishte t’i afrohej tinëzisht, të blente oficerët. Pastaj u bë shumë i dhunshëm dhe na u desh ta nënshtronim”, thanë autoritetet venezueliane.
