Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
AKTUALITET
"Makinën e bëmë më xhama te zinj pas shtëpisë së Talo Çelës!" Grabitja në Elbasan në vitin 2012/ Dëshmia e Nuredin Dumanit: Qëllova me armë viktimën në gjoks
M.B.Përditësimi i fundit 20 Shkurt 2025, 14:08
TIRANA- I penduari i drejtësosë, Nuredin Dumani ka dhënë detaje në seancën e sotme të dosjes "Plumbi i Artë" mbi një grabitje të kryer në Elbasan. Ai ka deklaruar se grabitjen e ka organizuar Gentian Sharra dhe e realizuar në bashkëpunim me Talo Çelën. Sipas dëshmisë së tij, ngjarja ka ndodhur rreth vitit 2012.
I penduari drejtësisë ka treguar se në mëngjes, një makinë me Gentian Sharrën dhe Talo Çelën brenda, ka mbërritur për të ekzekutuar planin. Gjatë grabitjes, Dumani tha se ka qëlluar me armë drejt viktimës, duke e goditur fillimisht në gjoks. Pas kryerjes së grabitjes, grupi është larguar duke kaluar mes për mes qytetit.
"Në Elbasan kemi kryer grabitjen e një kambisti i organizuar nga Gentian Sharra. Nga paraditja vjen një makinë "S-Class" ku ishte Gentian Sharra dhe Talo Çela, ka ndodhur rreth vitit 2012. Kam qëlluar më armë, kam goditur fillimisht viktimën në gjoks. Pas grabitjes kemi hypur në "Opelin" e bardhë dhe dhe kemi vazhduar mes për mes qytetit, te një kapanon kemi parë volumin e lekëve dhe kam lënë armën.
Makinën e kemi bërë më xhama te zinj pas shtëpisë së Talo Çelës. Viktima kishte një Benz 2500 portobagazh. Viktima kundërshtoi, nuk e kishim bërë plan për ta qëlluar, i kam gjuajtur një herë ose dy herë në gjoks dhe një në kupën e gjurit", deklaroi Nuredin Dumani.
Prokuroria e Posaçme po vijon procesin për dosjen e bujshme, ku ka disa të pandehur. Dumani është në cilësinë e të penduarit, si bashkëpunëtor i SPAK, duke zbardhur të paktën 12 vrasje dhe dhjetëra krime të tjera në një dekadë, si dhe porositë që merrte për ekzekutime, me pagesa deri në 200 mijë euro.
