Në ceremoninë përkujtimore të 80-vjetorit të Kryengritjes së Postribës, deputeti i PD-së, Bardh Spahia, vlerësoi ...
AKTUALITET
Bashkëpunimi mes “Le Iene” dhe “Piranjave”/ Mashtrim miliona euro, kush janë tre vëllezërit e shpallur në kërkim për Call Center-in brenda kullës në Tiranë
PiranjatPërditësimi i fundit 17 Janar 2026, 18:16
Janë zbardhur emrat e 3 personave që janë në kërkim në lidhje me aktivitetin e mashtrimit përmes Call Centerave, Mësohet se në kërkim janë tre vëllezërit Agim Prekaj, Alfred Prekaj dhe Arjan Prekaj të cilët dyshohet se janë organizatorët e kësaj skeme që përmesmashtrimit kanë arritur të zhvasin dhjetëra miliona euro, qytetarëve të Bashkimit Evropian. Ndërsa deri tani mësohet se 10 persona janë arrestuar, si të dyshuar si operatorë të call-center-ave.
Prej mbrëmjes së djeshme, SPAK dhe oficerë të Byrosë Kombëtare të Hetimit kanë kryer rreth 33 kontrolle në disa zona të Tiranës, si pjesë e nisjes së një hetimi për mashtrime përmes call-center-ave.
Burime pranë SPAK konfirmuan se kontrollet janë kryer në zonat e Saukut, Astirit, Freskut, Laprakës, si dhe në qendrën e biznesit “4Ever Green ToWer”, e cila ndodhet përballë Kishës Ortodokse në qendër të kryeqytetit. Hetimet kanë pasur si indicie edhe një investigim të bërë nga emisioni italian “Le Iene”, prandaj dhe aksionet e djeshme, të kryera nga SPAK dhe të mbështetura nga Policia e Shtetit, janë mbikëqyrur edhe nga një grup gazetarësh të emisionit investigativ “Le Iene” në Itali të cilët bashkëpunuan me gazetarët e emisionit “Piranjat” si dhe përfaqësues të antimafias italiane që nisën fillimisht hetimin.
Gjatë kontrolleve janë sekuestruar kompjuterë dhe sende të tjera dokumentare, të cilat besohet se kanë lidhje me një çështje mashtrimi ndaj qytetarëve të Bashkimit Europian. Rasti po ndiqet gjithashtu nga një prokuror i huaj dhe një prokuror shqiptar.
Skema bazohet në telefonata që përmes një investimi fillestar 250 euro, premtohen fitime të lehta dhe platforma dixhitale që simulojnë investime në situata të cilat në fakt nuk ekzistojnë.
