Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
McAllister e quajti “test kritik për drejtësinë” çështjen e Ballukut, ambasadori i BE shkon në Kuvend
PiranjatPërditësimi i fundit 23 Shkurt 2026, 14:30
Ambasadori i Bashkimit Evropian, Silvio Gonzato ka shkuar sot në Kuvend, aty ku po mbahet mbledhja e Këshillit të Mandateve për imunitetin e Belinda Ballukut.
Prej orës 10 në Kryesinë e Kuvendit mbahet mbledhja e Këshillit të Mandateve për të diskutuar mbi imunitetin e Belinda Ballukut.
Prokurorët e SPAK në mbledhjen e Këshillit të Mandateve, deklaruan se Belinda Balluku rrezikon deri në 35 vite burg, pasi pozita e saj është rënduar.
“Në masat e para të kërkuara znj. Balluku rrezikonte deri në 10 vite burg; sot që flasim situata e saj është rënduar, dhe me akuzat e prokurorisë në këtë moment znj. Balluku rrezikon deri në 35 vite burg”, kanë deklaruar Prokurorët e SPAK.
Kujtojmë që Kryetari i Komisionit për Çështjet e Jashtme në Parlamentin Evropian, David McAllister deklaroi pak ditë më parë se “çështja është një test kritik për drejtësinë në Shqipëri”.
“Unë nuk mund të komentoj me hollësi për çështje individuiale. Por për këtë rast që përfshin zonjën Balluku, do të thosha që është një cështje që do bëjë test kritik për Shqipërinë në luftën kundër korrupsionit”, tha David McAllister.
McAllister theksoi se çështja e Ballukut ka qenë pjesë diskutimeve gjatë vizitës dhe takimeve në Tiranë, ndërsa u shpreh se nuk është në pozicion për të komentuar një çështje individuale. McAllister theksoi se përtej aspektit ligjor, ekziston edhe një dimension i përgjegjësisë politike.
