Ditën e Hënë vendi ynë parashikohet të ndikohe nga kushte atmosferike të qëndrueshme.
Moti parashikohet i kthjellët p...
AKTUALITET
Blegtorëve iu premtua rritje e vlerës/ Ish-sekretari i Përgjithshëm i Ministrisë së Bujqësisë: Muajt në vazhdim çmimi i qumështit ulet me 15-20%
r.llPërditësimi i fundit 4 Qershor 2024, 08:34
foto ilustruese
TIRANË- Dy muaj më parë blegtorët e vendit kanë bërë një paradë me traktora në autostradën Tiranë-Lushnjë, ku protestuan për çmimin që blihej qumështi nga prodhuesit.
Ndërkohë sot pas dy muajsh, ish-sekretari i Përgjithshëm i ministrisë së Bujqësisë, Vojo Bregu ka thënë se në muajt në vazhdim jo vetëm që nuk do të ketë rritje por çmimi i blerjes së qumështit do të ulet me 15-20%.
Sipas Bregut, e vetmja mënyrë që "as qeveria, as përpunuesit të mos guxojnë të tallen me ta, është të marrin traktorët, ti mbushin me bajga dhe naftë vetëm për vajtje në Tiranë, ti hedhin bajgat aty ku i takojnë, dhe ti fikin traktorët po aty, para kryeministrisë dmth."
POSTIMI I PLOTË:
Para 2 muajsh blegtorët bënë një paradë me traktora në autostradën Tiranë Lushnjë, duke protestuar për çmimin që blihej qumështi nga prodhuesit. Blegtorët i premtuan Taulant Ballës që nuk do të bënin protestë por thjesht një paradë, pasi ky i fundit do të nderhynte tek ministria e Bujqësisë për rritjen e çmimit të qumështit. Znj. Denaj bëri një takim me blegtorët dhe përpunuesit e qumështit. Deklarata e ministres pas takimit në datë 9 Prill, ishte se për 2 muaj duhet ti jepnin kohë përpunuesve të qumështit për përgatitjen e kontratave dhe për një "respekt financiar" mes palëve.
Çfarë ndodhi për 2 muaj?
Ka 2 muaj që përpunuesit e qumështit në shumicë e tyre, po marrin qumështin dhe duke i "respektuar" blegtorët nuk po i japin lekët e djersës së tyre. Por nga informacionet "respekti financiar" do vazhdojë më tej, duke ulur për muajt në vazhdim me 15-20% çmimin e blerjes së qumështit.
Ky është respekt, jo shaka.
E kam thënë para 2 muajsh. E vetmja mënyrë që as qeveria, as përpunuesit të mos guxojnë të tallen me ta, është të marrin traktorët, ti mbushin me bajga dhe naftë vetëm për vajtje në Tiranë, ti hedhin bajgat aty ku i takojnë, dhe ti fikin traktorët po aty, para kryeministrisë dmth. Atëherë do të shikojnë që do respektohen vërtet.
P.S. këto fjalitë e fundit i shkruajta kot se e di që nuk ndodh. I krahasova blegtorët tanë me ata francezë për shpirtin e protestës.
