Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Nga Ali Ahmeti te ish-presidenti Moisiu, ja kush do jenë folësit te protesta e Veteranëve të UÇK-së në Tiranë
PiranjatPërditësimi i fundit 17 Tetor 2025, 09:34
Shkelqim Hajdari, koordinator i protestës në mbështetje të ish-krerëve të Ushtrisë Çlirimtare të Kosovës, i ftuar në një emision televiziv, ka zbuluar se kush do të jenë folësit kryesorë gjatë tubimit që do të mbahet sot në sheshin “Skënderbej”.
Hajdari tregoi se protesta do të hapet nga Hysni Gucati, kryetar i Organizatës së Veteranëve të Luftës së UÇK-së, dhe do të vazhdojë me fjalimin e Ali Ahmetit, ish-udhëheqës i luftës në Kosovë dhe Maqedoninë e Veriut. Ai u shpreh se protesta nuk do të ketë shumë folës dhe as politikanë, pasi qëllimi është të jepet një mesazh i fortë mbështetjeje për ish-krerët e UÇK-së.
"Protesta do të hapet nga Hysni Gucati, dhe do të mbyllet nga Ali Ahmeti, jo si politikan, por si ish-udhëheqës i luftës si në Kosovë, ashtu edhe në Maqedoninë e Veriut," shpjegoi Hajdari.
Pjesëmarrësit do të dëgjojnë gjithashtu fjalime nga ish-presidenti Alfred Moisiu dhe përfaqësues të dëshmorëve të Shqipërisë që kanë rënë gjatë luftës në Kosovë dhe Maqedoninë e Veriut. Hajdari tha ndër të tjera se ky do të jetë një tubim, për të shprehur mbështetje për luftëtarët dhe për të kërkuar drejtësi.
