Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Ngjarje e rëndë në Itali/ Nuk i shërbyen më shumë pije alkoolike, klienti shqiptar plagos me thikë pronarin dhe djalin e tij
PiranjatPërditësimi i fundit 8 Janar 2026, 15:48
Një 30-vjeçar shqiptar është arrestuar nga policia italiane, pasi akuzohet se ka plagosur me thikë pronarin e një lokali dhe djalin e tij gjatë një sherri të dhunshëm të ndodhur fundjavën e kaluar në Occhiobello.
Ngjarja ka ndodhur në bar-pastiçerinë “San Lorenzo”, në Via Roma. Sipas hetimeve paraprake, i dyshuari ndodhej nën efektin e alkoolit dhe kishte kërkuar të shërbehej me më shumë pije, por ishte refuzuar nga stafi i lokalit.
Pas një debati verbal, pronari i lokalit, i cili punonte si barist, dhe djali i tij, kamerier, e nxorën klientin jashtë ambienteve të barit. Konflikti u përshkallëzua jashtë lokalit, ku 30-vjeçari nxori thikën dhe i goditi të dy.
Më rëndë mbeti i plagosur pronari i lokalit, i cili u godit në gjoks teksa përpiqej të mbronte të birin. Sipas policisë, tehu i thikës mbeti i ngulitur në trupin e tij, ndërsa autori u gjet me dorezën e thyer të armës në dorë.
I plagosuri u transportua me urgjencë në Spitalin e Rovigos dhe iu nënshtrua një ndërhyrjeje kirurgjikale. Gjendja e tij shëndetësore mbetet serioze, por jashtë rrezikut për jetën.
Edhe pas mbërritjes së policisë, e cila u njoftua përmes numrit të emergjencës 112, i dyshuari vijoi sjelljen agresive, duke detyruar efektivët ta imobilizonin dhe ta arrestonin në flagrancë.
