Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
"Nuk pranojnë asnjë justifikim"/ Autori i Ilaria Sulës i kërkoi ndjesë familjes së saj për krimin, prindërit e 22-vjeçares shqiptare pas letrës: Na kthe vajzën dhe do ta pranojmë faljen!
E.DPërditësimi i fundit 11 Prill 2025, 09:33
ITALI- Prindërit e 22-vjeçares shqiptare Flamur dhe Gëzime Sula kanë reaguar pas letrës së autorit, cili u vrau të bijën. Prindërit e Ilarias i janë përgjigjur 23-vjeçarit filipinas duke i thën se do ta pranojnë faljen e tij nëse ai u kthen vajzën e tyre. Gjithashtu avokati i familjes shqiptare, Giuseppe Sforza, deklaroi se pas letrës prindërt e Ilarias janë shprehur se nuk do të pranojnë asnjë justifikim.
“Më thanë se nuk do të pranojnë asnjë justifikim. Është një dhimbje e dytë për ta. Ndonjëherë heshtja është zgjidhja më e mirë. Përballë asaj që bëri, të paktën duhet të ishte përpjekur të respektonte familjen e Ilarisë”, deklaroi avokati.
23-vjeçari filipinas Mark Samson, i cili është në një qeli në Rebibbia për vrasjen dhe fshehjen e trupit të ish të dashurës së tij Ilaria Sula, i shkroi një letër për t’i kërkuar falje familjes së viktimës ku shprehej se ishte gati të paguante për mëkatin e tij.
Letra e Mark Samsonit drejtuar prindërve të Ilaria Sulës:
Po shkruaj nga qelia ime, ku do të qëndroj për disa vite. Çdo ditë mendoj për krimin mizor që kam bërë dhe nuk di çfarë të them, por mbi të gjitha nuk e di se çfarë më ka ndodhur.
Është e parëndësishme të kërkosh falje për dhimbjen që kam shkaktuar, por dua t’i kërkoj falje Ilarisë, nuk e respektova kur ajo donte të më linte. U çmenda nga dhimbja dhe humba kontrollin. Jam i vetëdijshëm se asgjë që mund të them apo të bëj sot nuk do ta lehtësojë sadopak dhimbjen e familjes.
Unë nuk jam duke u përpjekur të zvogëloj përgjegjësitë e mia ose të shpëtoj nga pasojat e veprimeve të mia, unë jam gati të paguaj për mëkatet e mia pa asnjë justifikim.
