Operacioni i SPAK/ FNSH aksion blic në Vlorë, ngrihen postblloqe në pikat hyrëse dhe dalëse të qytetit

Foto ilustruese

VLORË- Një operacion është zhvilluar ditën e sotme me urdhër të Prokurorisë së Posaçme, SPAK në kuadër të së cilit janë lëshuar gjithsej 50 urdhër arreste. Operacioni u shtri në disa qytete kryesore, si Lezhë, Krujë, Tiranë dhe Vlorë, ndërsa janë ushtruar kontrolle edhe në disa banesa.

Në lidhje me këtë operaion nuk është arrestuar ende asnjë person në Vlorë ndërsa raportohet se forca të shumta policore, të ndihmuara edhe nga FNSH, kanë ngritur postoblloqe në pikat hyrëse dhe dalëse të qytetit, ndërsa po kalojnë në sitë automjetet luksoze dhe ata me xhama të zinj.

Aksioni blic i FNSH ka për qëllim kapjen e personave në kërkim apo atyre që mbajnë armë dhe mjetet të ftohta. Operacioni i SPAK nisi në orët e para të mëngjesit të sotme në disa qytete të vendit, bazuar në urdhërat e firmosur nga GJKKO, për të paktën 40 persona, në kuadër të asaj që njihet si dosja Metamorfoza. Mes listës së urdhër arresteve është edhe ish-deputeti i PS, Arben Ndoka, i cili është shpallur në kërkim. Në kuadër të operacionit në bashkëpunim me Interpolin në Itali u arrestua Arian Tuku.

36-vjeçari, Arian Tuku ka tentuar të vrasë Aleks Ndrekën (Deda) i njohur si “Leksi i Druve”. Mësohet se Tuku ka siguruar kushtet për të kryer vrasjen e Durim Bamit. Po sipas SPAK, në 2020 ai ka trafikuar në Mal të Zi 168 kg kanabis sativa të cilat janë sekuestruar nga autoritetet malazeze.

fnsh vlore spak