Organizonin në mënyrë të paligjshme lojëra fati, 3 të arrestuar në Krujë

Foto nga vendi i ngjarjes

KRUJË- Tre persona janë arrestuar në Fushë-Krujë pas goditjes së një rasti të organizimit dhe kryerjes së veprimtarive të paligjshme të lojërave të fatit. Në cilësinë e provës materiale u sekuestruan celularët e këtyre personave, çipsa pokeri, letra bixhozi dhe shuma parash të dyshuara të përfituara nga veprimtaria e paligjshme e lojërave të fatit. Gjithashtu, materialet procedurale i kaluan Prokurorisë, për veprime të mëtejshme.

Njoftimi:

Komisariati i Policisë Krujë, në vijim të punës për goditjen e veprimtarive të paligjshme të lojërave të fatit, ka ogranizuar dhe finalizuar operacionin policor të koduar "Ilegal game".

Gjatë operacionit u arrestuan në flagrancë shtetasit E. K., 24 vjeç, E. I., 24 vjeç, dhe M. T., 24 vjeç, të tre banues në Fushë Krujë, si dhe u procedua në gjendje të lirë shtetasi A. K., 24 vjeç, për veprën penale "Organizimi ose ushtrimi i veprimtarive të lojërave të fatit në kundërshtim me ligjin".

Gjatë kontrollit në një lokal në Fushë Krujë, këta shtetas u kapën në flagrancë duke luajtur lojëra fati, me celularë.

Në cilësinë e provës materiale u sekuestruan celularët e këtyre shtetasve, çipsa pokeri, letra bixhozi dhe shuma parash të dyshuara të përfituara nga veprimtaria e paligjshme e lojërave të fatit. Materialet procedurale i kaluan Prokurorisë, për veprime të mëtejshme.

kruje