Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
AKTUALITET
Plagosja e të riut me armë zjarri në Durrës, shpallet në kërkim si autor i dyshuar kushëriri i tij (EMRAT)
r.llPërditësimi i fundit 22 Maj 2024, 08:59
foto ilustruese
DURRËS- Policia ka zbardhur ngjarjen e ndodhur mbrëmjen e djeshme në Shënavlash të Durrësit. Eduart Buçeza, 24 vjeç u paraqit në spitalin e Durrësit i plagosur në këmbë me armë zjarri.
Sipas informacioneve policore ngjarja ka ndodhur para banesës së 24-vjeçarit, ndërsa është shpallur në kërkim si autor i dyshuar i ngjarjes, djali i xhaxhait të tij, Ilir Buçeza, 33 vjeç. Ngjarja ka ndodhur gjatë një konflikti të çastit mes tyre, për motive të dobëta.
NJOFTIMI I POLICISË:
Falë reagimit në kohë dhe veprimeve profesionale në vendngjarje, Policia zbardh ngjarjen e ndodhur mbrëmë, në fshatin Shënavlash, ku u plagos me armë zjarri, në këmbë, 24-vjeçari E. B.
Si rezultat i veprimeve hetimore, identifikohet autori i dyshuar i plagosjes (kushëriri i 24-vjeçarit).
Mbrëmjen e djeshme, pas marrjes së njoftimit se në Spitalin Rajonal Durrës ishte paraqitur për të marrë mjekim, shtetasi E. B., 24 vjeç, pasi ishte plagosur me armë zjarri, në këmbë, specialistët për Hetimin e Krimeve të Komisariatit të Policisë Durrës, në bashkëpunim me specialistët e Sektorit për Krimet e Rënda të DVP Durrës, shkuan menjëherë në vendin e ngjarjes, në oborrin e banesës së 24-vjeçarit, në fshatin Shënavlash, ku në drejtimin e prokurorit, kryen të gjitha veprimet hetimore për zbardhjen e rrethanave të rastit dhe identifikimin e autorit.
Nga veprimet e para hetimore rezultoi se autori i dyshuar është shtetasi I. B., 33 vjeç, banues në fshatin Shënavlash, i cili gjatë një konflikti të çastit, për motive të dobëta, ka plagosur me armë zjarri, në këmbë, djalin e xhaxhait të tij, shtetasin E. B., i cili vijon të jetë në spital, në kujdesin e mjekëve. Vijon puna për kapjen e shtetasit I. B. Materialet procedurale i kaluan Prokurorisë, për veprime të mëtejshme.
