Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
Prej tre vitesh pa asnjë gjurmë, gazetari Hoxha: Ja çfarë ndodhi me fatin e Ervis Martinajt dhe aleanca e grupeve kriminale
PiranjatPërditësimi i fundit 23 Tetor 2025, 21:44
Gazetari Artan Hoxha deklaroi se Ervis Martinaj, një nga emrat më të përfolur të botës së krimit në Shqipëri, është vrarë dhe trupi i tij është zhdukur, çka shpjegon pse autoritetet nuk kanë gjetur ende asnjë gjurmë për fatin e tij.
I ftuar në emisionin “Opinion”, teksa ka folur për zhdukjen misterioze të Martinajt, gazetari deklaroi se në botën e krimit është krijuar një aleancë mes disa grupeve rivale, me qëllimin e përbashkët për eliminimin e Ervis Martinajt, i cili prej vitesh kishte fituar shumë armiq brenda rrjeteve të organizuara.
“Problemi që kanë ata 3 vite e gjysmë ata nuk kanë kontakt. Kontakti i fundit ka qenë më 9 gusht dhe kanë komunikuar me mesazh dhe janë ndërprerë kontaktet. Version është që ata e kanë rrëmbyer dhe e kishin vrarë dhe zhdukur kufomën.
Nga ajo ngjarja deri sot është një tjetër aleancë që e drejton vendin deri te Martin dhe u ndërpre ajo epokë. Martinaj ishte një person që e modernizojë krimin. Martinaj është babai i katër fëmijëve, tre vajza dhe një djalë është djalë i vetëm, ka studiuar por ekonomi biznesi, nuk është se vinte nga bota e krimit. A u bë armik publik se u bë kundërshtarë i qeverisë.
Rasti i parë që Rama i drejtohet direkt Martinajt, në moment që e ndieu rrezikun, Martinaj Mori vila ngjitur me Ramën në vijë ajrore 10 apo 15 metër në distancë. Ervis Martinaj është eliminuar dhe kufoma e tij është zhdukur. Në Shqipëri mund t’i fshihesh kujdo, por jo miqve të tu apo dhe hasmit. Ti mund t’i fshihesh kujdo këtu, sidomos asaj aleance që kishin qenë kundërshtarë me njëri tjetrin dhe u bën bashkë për të goditur atë. Jam i bindur që e kanë eliminuar”, tha Hoxha.
