Sali Berisha deklaron se Belinda Balluku duhet të ishte prapa hekurave dhe jo të ecte e lirë. Në një komunikim me gazetarët, kre...
AKTUALITET
Pronari i lavazhit u përplas me inspektorët dhe forcat e rendit, reagon Bashkia Vlorë
PiranjatPërditësimi i fundit 22 Dhjetor 2025, 16:22
Bashkia e Vlorës reagoi pas përplasjes së inspektorëve të saj në pronarët e një lavazhi. Sipas reagimit, një subjekt nuk paraqiti asnjë dokument dhe pronari reagoi në mënyrë agresive ndaj grupeve të punës.
Situata u përshkallëzua pasi subjekti përfshiu persona të tjerë, duke krijuar tension dhe përplasje fizike me inspektorët. Në vendngjarje ndërhyri Policia e Shtetit për të normalizuar situatën, ndërsa gjatë incidentit u godit një punonjës policie, i cili ndodhet në gjendje të mirë shëndetësore.
Bashkia e Vlorës dënon çdo akt dhune ndaj administratës dhe strukturave ligjzbatuese dhe thekson se kontrollet do të vijojnë në përputhje me ligjin për garantimin e rendit dhe respektimit të kuadrit ligjor.
NJOFTIM PËR MEDIAT
Gjatë ditës së sotme, grupe pune nga bashkia e Vlorës kanë ushtruar kontrolle për verifikimin e dokumentacionit ligjor për ushtrimin e veprimtarisë së lavazheve.
Gjatë kontrollit në një nga subjektet, subjekti i kontrolluar nuk paraqiti asnjë dokumentacion por reagoi në mënyrë agresive ndaj grupeve të punës, duke i ofenduar dhe duke kundërshtuar ushtrimin e kontrollit.
Situata u përshkallëzua më tej, pasi subjekti përfshiu edhe persona të tjerë të cilët u paraqitën në vendngjarje, duke krijuar tension dhe përplasje fizike me grupet e kontrollit. Në vendngjarje ndodhej edhe Policia e Shtetit e cila ndërhyri për normalizimin e situatës dhe parandalimin e përshkallëzimit të mëtejshëm të konfliktit.
Gjatë incidentit, u godit një punonjës i policisë i cili ndodhet aktualisht në gjendje të mirë shëndetësore.
Bashkia dënon çdo akt dhune ndaj punonjësve të administratës dhe strukturave ligjzbatuese dhe mbetet i angazhuar për vijimin e kontrolleve në përputhje me ligjin, me qëllim garantimin e rendit, sigurisë dhe respektimit të kuadrit ligjor në ushtrimin e veprimtarive ekonomike.
