Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
AKTUALITET
"Propaganda e SPAK lë për të dëshiruar!" Operacioni "Ura"/ Gazetari: "Troplinët" kanë mbështetur kandidatin e PS në Durrës, morën vota më shumë se Rama
M.B.Përditësimi i fundit 22 Maj 2025, 22:08
TIRANA- Gazetari, Flamur Vezaj ka ndarë detaje lidhur me operacionin "Ura" që goditi një grup kriminal të fokusuar në trafikun ndërkombëtar të drogës. I ftuar në ‘Çim Peka LIVE’ Vezaj tha se SPAK nuk donte të ndërmerrte operacion në datën kur është lëshuar urdhri-arresti nga autoritetet italiane, pasi sipas tij, kjo i prishte punë kryeministrit Edi Rama për fushatën e 11 majit.
Ai shtoi se Troplinët kanë ndihmuar kandidatët të PS me modelin e Ergys Xhyrbes dhe Vangjush Dakos dikur. Gjithashtu gazetari tha se ajo çka lë për të dëshiruar është se pse SPAK me propagandë sipas tij, ka njoftuar gjatë gjithë kohës që ka të atashuar edhe prokurorë të anti-mafies në ministrinë e drejtësisë, të cilët janë një oficer kontakti dhe një hetues apo prokuror që siç thotë Vezaj, "kush e di çfarë roli mund të ketë".
“Ajo që më bëri është fakti që si ka mundësi që prokuroria e anti-mafies italiane ka dhënë vendimet e arrestit që në datën 22 shkurt dhe në Shqipëri ndodh në 22 maj, pra rreth tri muaj fiks pas operacionit të ndodhur në Itali. Ajo çka lë për të dëshiruar është fakti se pse SPAK me propagandën dhe tam-tamët e tyre ka njoftuar gjatë gjithë kohës që ka të atashuar edhe prokurorë të anti-mafies në ministrinë e drejtësisë, të cilët janë një oficer kontakti dhe një hetues apo prokuror kush e di çfarë roli mund të ketë. Dhe gjatë gjithë kohës prokurorët e SPAKU-t, apo vetë institucioni i SPAKU-t thoshte gjatë gjithë kohës që duke qenë që është ngritur besueshmëria e SPAKU, jemi në kohën reale.
Organizojmë operacione me autoritetet italiane. Pra të gjitha operacionet që thoshin kemi grupe të përbashkëta hetimore grupe që punojnë në kohë reale, na doli që nuk ishte e vërtetë. U deshën tri muaj që ky operacion të organizohej në Shqipëri. U deshën tri muaj sepse prokurorët e SPAK-ut deshin që të vinin prokurorët e antimafias, për të shpërndarë disa video që t’i tregonin qytetarëve që ja çfarë ne po bëjmë, deshën tri muaj sepse drejtuesi e prokurorisë së SPAKU-t kërkuan nga autoritetet italiane të shtyhet, sepse për shkak se është procesi zgjedhor, apo kishte ndërhyrje në politikë të cilët dihet tashmë që ‘Troplinët’ si Xhevdet Troplini ose djali i tij Fatmir Troplini. Këta kanë mbështetur kandidatin e PS siç e thatë edhe vetë ka marrë vota më shumë se vetë kryeministri Edi Rama në modelin e Ergys Xhyrbes dhe Vangjush Dakos dikur.
Dhe për këtë fakt mendova se kjo është një lojë të cilës mund ti vijë era, për shkak se nuk mund të themi që operacioni është për një krim të kryer, ky operacioni i 2025 bën për veprat penale të konsumuara të 2016-2022 pra tri vite me vonesë. Kush e bëri të pushojë pra për tri vite, mos kishte ndërhyrje në Shqipëri për këtë grup, ku të gjithë e dinë se kush janë këto personazhe. Mos harrojmë që në maj të 2014 kur u bë operacioni i revanzhit prokurorët e SPAKU-t dërguan forcat Renea, për të arrestuar mikun e ‘Pojës’ pra Famtir Troplinin, të cilin nuk e gjetën, por i gjetën 3 milionë euro kesh që i kishte lënë në oborr”, tha Vezaj.
