Prezenca e OSBE-së në Shqipëri ka reaguar pas protestave të dhunshme dhe tensioneve që kanë përfshirë Tiranën gjat&...
AKTUALITET
Protestat në Tiranë, reagon Albana Koçiu: Të rinjtë kanë të drejtë të protestojnë, të kërkojnë një të ardhme më të mirë
PiranjatPërditësimi i fundit 15 Tetor 2026, 17:55
Zëvendëskryeministrja Albana Koçiu ka reaguar për situatën e krijuar gjatë ditës së tretë të protestave në Tiranë, duke shprehur shqetësim për përfshirjen e të rinjve dhe të miturve në incidentet e dhunshme. Ajo ka theksuar se e drejta për të protestuar është e garantuar, por askush nuk duhet t'i përfshijë të rinjtë në dhunë apo t'i përdorë për qëllime politike.
Zëvendëskryeministrja Albana Koçiu ka reaguar lidhur me tensionet dhe përplasjet që kanë shoqëruar protestat në Tiranë, duke bërë thirrje për mbrojtjen e të rinjve dhe të miturve që ndodhen mes demonstruesve.
Përmes një postimi në rrjetet sociale, Koçiu ka shprehur shqetësimin për pamjet e dhunës në rrugët e kryeqytetit, duke theksuar se siguria dhe e ardhmja e fëmijëve duhet të qëndrojnë mbi çdo ndarje apo interes politik.
Reagimi i plotë:
Pavarësisht bindjeve politike, të gjithë kemi të njëjtin shqetësim: sigurinë dhe të ardhmen e fëmijëve tanë.
Pamjet e dhunës në rrugët e Tiranës janë shqetësuese, sidomos kur mes tyre shohim të rinj dhe të mitur.
Të rinjtë kanë të drejtë të protestojnë, të shprehen dhe të kërkojnë një të ardhme më të mirë.
Por askush nuk duhet t’i përfshijë në dhunë apo t’i përdorë për beteja politike. Në fund të ditës, çdo prind dëshiron që fëmija i tij të kthehet shëndoshë e mirë në shtëpi.
Asnjë betejë politike nuk vlen më shumë se jeta, siguria dhe e ardhmja e fëmijëve tanë.
