Protesta e studentëve, së cilës i janë bashkuar edhe mbështetësit e Partisë Demokratike para Ministrisë së Arsimi...
AKTUALITET
Publikohen detajet nga vrasja e Jani Aliajt, gazetari grek: Kishte informacione se kundër tij ekzistonte një kontratë vdekjeje
PiranjatPërditësimi i fundit 22 Janar 2026, 16:39
Të tjera detaje kanë dalë në dritë nga vrasja e Jani Aliajt, 49-vjeçarit shqiptar që ndodhet i arrestuar në Greqi për vrasje dhe ngjarje kriminale të tjera në burgun e Koridhalos.
Sipas gazetarit grek Panagiotis Stathis, Aliaj ishte transferuar më parë në burgun e grave për shkak të dyshimeve se mund t’i bëhej atentat.
“Duke pasur parasysh se kishte informacione se kundër tij ekzistonte një kontratë vdekjeje, ai ishte transferuar në burgun e grave pak kohë më parë, për arsye mbrojtjeje. Papritmas, u vendos që ai të rikthehej në degën kryesore të burrave, pa justifikim”, tha Stathis.
Dy muaj më parë, Aliaj kishte mbijetuar një atentati në burg, por nuk u morën masa sipas gazetarit.
“Është e qartë se ka përgjegjësi, si penale ashtu edhe disiplinore. A po kërkohen ata? Nëse një vrasje do të ndodhte në Komisariat, i gjithë departamenti do të shpërbëhej. Tani? A janë ata thjesht spektatorë të krimeve, pa asnjë përgjegjësi?”-u shpreh gazetari.
49-vjeçari nga Tepelena ishte arrestuar në Greqi më 31 dhjetor 2024. Ai ishte dënuar me burg të përjetshëm në Shqipëri për vrasjen e Elton Çiços në Tiranë në 2016, një ngjarje që lidhej me hakmarrje. Po ashtu, Aliaj akuzohej edhe për një incident në Përmet në vitin 2015, ku një tentative për të vjedhur një sasi të madhe marijuane përfundoi me të plagosur.
