Edi Rama ka sulmuar sërish protestuesit, duke pretenduar se pas tyre qëndrojnë krimi i organizuar dhe “duar të huaja”, pë...
AKTUALITET
Studentët djegin kazanë dhe sulmojnë me gurë, policia reagon me gaz dhe ujë për të shpërndarë turmën
PiranjatPërditësimi i fundit 24 Tetor 2026, 14:45
Protesta e studentëve, së cilës i janë bashkuar edhe mbështetësit e Partisë Demokratike para Ministrisë së Arsimit në Tiranë ka degjeneruar këtë të shtunë në përplasje me policinë, me protestuesit që kanë tentuar të hyjnë me forcë në godinë.
Studentët edhe mbështetësit e Partisë Demokratike janë duke protestuar prej mëse një ore përpara Ministrisë së Arsimit, me tubimin që është agravuar.
Të rinjtë kanë provuar të mësyjnë drejt Ministrisë së Arsimit duke afruar fillimisht një kazan mbeturinash, të cilit më pas i kanë vënë flakën para kordonit të efektivëve të policisë në “Rrugën e Durrësit”.
Në drejtim të godinës janë hedhur vazhdimisht tullat e shkëputura nga trotuari, por edhe vezë, domate, bojë e kapsolla. Si pasojë e valës së goditjes me sende të forta nga studentët janë thyer xhamat e godinës në pjesën ballore, në krahun e Rrugës së Durrësit.
Ndërkohë dhjetëra efektivë të Forcave të Ndërhyrjes së Shpejtë me skafandra janë vendosur në portën kryesore të Ministrisë së Arsimit dhe kanë ndërhyrë për të ndalur studentët që të hyjnë në godinë.
Policia ka përdorur edhe gazin lotsjellës në drejtim të studentëve, ndërkohë që këta të fundit i janë kundërpërgjigjur me bojë dhe sende të forta efektivëve të FNSH-së.
Protestat e sotme i nisi ajo e deputetëve dhe militantëve të Partisë Demokratike. Ata u grumbulluan fillimisht para selisë së PD dhe më pas marshuan drejt Kryeministrisë.
Me të mbërritur, angazhimi i parë ishte djegia e ulëseve të vendosura nga Rama për dialog, teksa një i moshuar kërcente krah zjarrit.
Po sot të rinjtë kishin njoftuar organizimin e një proteste tjetër në Ministrinë e Arsimit në orën 14:00. Pasi qëndruan për afro një orë para Kryeministrisë, më pas protestuesit e PD nisën të marshojnë drejt Ministrisë së Arsimit.
Me mbërritjen në hyrjen e Rrugës së Durrësit, deputetët dhe militantët e PD u pritën me thirrjet “Rama në burg, Berisha në Burg” nga ana e të rinjve.
Guerrils, tifozeria tradicionale e klubit të futbollit Partizani, ka njoftuar pezullimin e aktivitetit tifozerik dhe bojkotin e ndeshjeve të ardhshm...
