Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
AKTUALITET
Rama: Duhet ta mbështesim Ukraninë/ Ursula von der Leyen: Gjenerata e re do ketë një BE të sigurt dhe të fortë
PiranjatPërditësimi i fundit 13 Tetor 2025, 11:15
Duke folur në konferencë për mediat krah presidentes së KE-së, Ursula Von der Leyen, kryeministri i Shqipërisë, Edi Rama tha se mbështetja për Ukrainën duhet të vazhdojë pa rezervë.
Sipas Ramës të gjithë vendet duhet të përpiqen për një bashkëjetesë të bazuar në vlerat e BE-së.
“Duhet të vazhdojmë të mbështesim pa rezervë Ukrainën, sepse aty në të vërtetë përveç të tjerash zhvillohet edhe një përplasje mes një mënyrë të të parit të botës dhe të të kuptuarit të bashkëjetesës bazuar mbi parimet dhe vlerat e BE për një botë të sigurtë dhe një mënyrë krejt tjetër të të parit të botës që i sfidon dhe kërcënon këto vlera dhe këto parime”, tha Rama.
Teksa Presidentja e KE, Ursula Von der Leyen nga Tirana theksoi se gjenerata e re do jetojë në një BE të fortë dhe të sigurt.
“I dashur Edi mesazhi im i fundit Shqipëria e do Europën dhe një studim i kohës së fundit ka treguar që edhe nëse do bëhej një referendum sot, 90% e shqiptarëve do votonin për antëtarëzimin në BE. Ky është sinjali më i qartë i të gjithave, gjenerata e re do të jetojë në një BE të fortë, të sigurt dhe të bashkuar”, tha Von der Leyen.
