Prej disa ditësh, rrugët e Tiranës janë përfshirë nga protesta kundër qeverisë, të shoqëruara me përplasj...
AKTUALITET
Reagon Boçi për dhunën e gazetarit të "Piranjave": Askush mos ketë iluzion se porta e BE do hapet duke rrahur gazetarë e mbyllur media!
PiranjatPërditësimi i fundit 13 Shtator 2025, 22:59
Luçiano Boçi ka reaguar lidhur me sulmin dhe kërcënimet ndaj gazetarëve dhe kameramanit të emisionit “Piranjat” në stadiumin “Selman Sërmasi”, të kryera nga biznesmenët Refik Halili dhe Sinan Idrizi. Boçi shprehet se kjo ngjarje nxjerr në pah situatën dramatike të gazetarëve e gazetarisë në Shqipëri, duke e bërë gazetarinë e vërtetë një profesion të rrezikshëm.
Në fund ka një mesazh për qeverinë: Askush mos ketë iluzion se porta e BE do hapet duke rrahur gazetarë e mbyllur media!
Reagimi i plotë:
Sinani i “LASGUSHIT” dhe “ISMAILIT” që dhunon gazetarët. Një tjetër sulm i radhës është realizuar sot. Objekt ishin gazetarët e “Piranjave”, emisionit të njohur investigativ.
Këtu asgjë nuk është e rastit. Dhunuesit janë “biznesmenë” të oborrit të Ramës, të profilit “të paprekshëm” nga shteti alias ligji, Sinan Idrizi dhe Refik Halili.
Arroganca e tyre dhe sjellja brutale me gazetarët buron nga ajo e vetë pushtetit. Merre me mend. Ai, Sinani, që gjoja ka avionët me emrat impresionues të njerëzve të fjalës së lirë “Lasgushi”, “Ismaili”, del e dhunon njerëzit e fjalës. Paradoksi i autokracive ky!!! Ngjarja nxjerr në pah situatën dramatike të gazetarëve e gazetarisë në Shqipëri, duke e bërë gazetarinë e vërtetë një profesion të rrezikshëm.
Megjithëse Rama sot kontrollon me para e benefite 90% të hapësirës publike, kërkon me çdo kusht të atrofizojë me çdo kusht e me sulme brutale çdo zbulesë së të vërtetave dramatike të jetës e politikës shqiptare. Kështu veproi dhe me News24. Kështu bëjnë “biznesmenët” e “jesmenët” e “sejmenët” e tij me gazetarët investigativë.
Sulmi shfaq njëherazi pamjen e vërtetë të një sekti i cili i alarmuar nga e vërteta kërkon të shpallë kriminelë të fjalës me kod penal gazetarët dhe jo dhunuesit e fjalës.
Ndërkohë që Shqipëria ka nevojë urgjente për të dënuar krimin ndaj fjalës së lirë. Askush mos ketë iluzion se porta e BE do hapet duke rrahur gazetarë e mbyllur media!
