Një ngjarje e rëndë ka ndodhur në Tiranë, ku një person është gjetur i vrarë brenda automjetit të tij në ...
AKTUALITET
Shoqata Evropiane e Gazetarëve dënon sulmin ndaj ekipit të "Piranjat": Të niset hetim i menjëhershëm ndaj autorëve
PiranjatPërditësimi i fundit 13 Shtator 2025, 21:12
Shoqata Evropiane e Gazetarëve seksioni i Shqipërisë ka dënuar sulmin dhe kërcënimet ndaj gazetarëve dhe kameramanit të emisionit “Piranjat” në stadiumin “Selman Sërmasi”, të kryera nga biznesmenët Refik Halili dhe Sinan Idrizi.
Kjo shoqatë i bën thirrje autoriteve të nisin hetim të menjëhershëm dhe të mbajnë përgjegjës para ligjit autorët e këtij akti që janë dhe figura publike.
Reagimi:
Shoqata Evropiane e Gazetarëve seksioni i Shqipërisë, dënon sulmin dhe kërcënimet ndaj gazetarëve dhe kameramanit të emisionit “Piranjat” në stadiumin “Selman Sërmasi”, të kryera nga biznesmenët Refik Halili dhe Sinan Idrizi. Ndërhyrja ndaj gazetarëve dhe më pas marrja e pajisjeve të tyre është një shkelje e rëndë e lirisë së shtypit dhe alarm për demokracinë por përbën një precent të rrezikshëm.
U bëjmë thirrje autoriteteve të nisin hetim të menjëhershëm dhe të mbajnë përgjegjës para ligjit autorët e këtij akti që janë dhe figura publike. Kërkojmë gjithashtu garantimin e sigurisë dhe pavarësisë për të gjithë gazetarët investigativë.
Shoqata Evropiane e Gazetarëve shpreh solidaritet të plotë me punën e gazetarëve të emisionit “Piranja” dhe do të njoftojë partnerët ndërkombëtar për këtë incident.
