Protestat studentore në Shqipëri kanë hyrë sot në ditën e 14-të radhazi, ndërsa një numër i madh të rinjs...
AKTUALITET
Reshje dëbore, policia bën thirrje: Ja akset ku duhet të përdorni zinxhirë
PiranjatPërditësimi i fundit 8 Janar 2026, 12:00
Si pasojë e motit të keq që ka përfshirë vendin, Policia e Shtetit ka njoftuar se ka marrë masa për menaxhimin e qarkullimit të automjeteve në akset rrugore ku janë evidentuar vështirësi, si dhe për t’u ardhur në ndihmë qytetarëve.
Sipas njoftimit të policisë, në terren janë angazhuar shërbimet e Policisë Rrugore, Patrullat e Përgjithshme, “Shqiponja”, si dhe Forcat Kombëtare të Sigurisë, të cilat vijojnë të jenë në gatishmëri të plotë.
Si pasojë e reshjeve të dendura të borës dhe pranisë së mjegullës, qarkullimi është vështirësuar në disa akse rrugore, kryesisht në zonat malore. Akset më problematike ndodhen në qarqet Shkodër, Korçë, Kukës, Gjirokastër dhe Dibër, si dhe në Rrugën e Arbërit, Rrugën e Kombit dhe zonën e Llogarasë, ku ka prezencë dëbore në rrugë.
Në këto akse është i detyrueshëm përdorimi i gomave dimërore dhe zinxhirëve, me qëllim shmangien e aksidenteve dhe garantimin e sigurisë rrugore.
Njoftimi i Policisë:
Policia e Shtetit
Për shkak të motit të keq me reshje shiu dhe së fundmi, në disa zona, me reshje dëbore, shërbimet e Policisë Rrugore, Patrullat e Përgjithshme, “Shqiponjat” dhe Forcat Kombëtare të Sigurisë vijojnë të jenë në gatishmëri të plotë në terren, për të menaxhuar qarkullimin e automjeteve në akset ku janë krijuar vështirësi dhe për të ndihmuar qytetarët.
Për shkak të reshjeve të borës dhe të mjegullës, është vështirësuar qarkullimi në disa akse rrugore në zonat malore.
Kujdes
Akset rrugore në zonat malore në qarqet Shkodër, Korçë, Kukës, Gjirokastër, Dibër, Rruga e Arbërit, Rruga e Kombit dhe Llogaraja, kanë prezencë dëbore në rrugë.
Në këto akse është i detyrueshëm përdorimi i gomave dimërore dhe i zinxhirëve për të shmangur përfshirjen në ngjarje rrugore.
Shërbimet e Policisë Rrugore janë në terren dhe po bashkëpunojnë me firmat kontraktore të mirëmbajtjes së rrugëve, ku vijon pastrimi i rrugëve dhe kriposja për të shmangur ngricat.
Policia e Shtetit apelon për drejtuesit e mjeteve që të rrisin vigjilencën, të zbatojnë me rigorozitet rregullat e qarkullimit rrugor dhe udhëzimet e Policisë, si dhe të përdorin pajisjet dimërore në akset rrugore ku është e nevojshme.
